بەيبىت شۇمەنوۆ ۇزاق ۇزىلىستەن كەيىن شارشى الاڭعا شىققالى جاتىر

استانا. قازاقپارات - اۋىر سالماقتاعى قازاقستاندىق كاسىپقوي بوكسشى بەيبىت شۇمەنوۆتىڭ قارسىلاسى بەلگىلى بولدى. ول - بي دجەي فلورەس.

فلورەس وسىعان دەيىن 33 كەزدەسۋ وتكىزىپ، 31 جەكپە-جەگىندە جەڭىپ (20 نوكاۋتپەن جەڭگەن)، بىرەۋىندە جەڭىلىپ، بىرەۋىندە تەڭ تۇسكەن. 36 جاستاعى بوكسشى سوڭعى كەزدەسۋىن بىلتىر قازاندا كيەۆين ەنگەلگە قارسى وتكىزىپ ءۇشىنشى راۋندتا تەحنيكالىق نوكاۋتپەن جەڭىسكە جەتكەن.

جالعىز جەڭىلىسى 2010-جىلدىڭ 17- قاراشاسىندا تىركەلگەن. ول ساتتە دەنني گرينعا ەسەپ ايىرماسىمەن ۇتىلعان. ال تەڭ تۇسكەن ءساتى ءوزىنىڭ كاسىپقوي بوكستاعى بەسىنشى كەزدەسۋىندە. سەميسي بلۋمفيلدپەن 2003-جىلدىڭ 22- قاراشاسىندا ءتورت راۋندقا جوسپارلانعان كەزدەسۋدە تەڭ تۇسكەن.

شۇمەنوۆ كاسىپقوي بوكستا بار بولعانى 17 كەزدەسۋ وتكىزدى. 15 جەكپە-جەگىن جەڭىسپەن (10 نوكاۋتپەن)، ەكى كەزدەسۋىندە جەڭىلگەن. سوڭعى كەزدەسۋىن 2014-جىلدىڭ 13- جەلتوقسانىندا كىشى بوببي توماسقا قارسى وتكىزىپ سەگىز راۋندقا جوسپارلانعان كەزدەسۋدىڭ بەسىنشى راۋندتىندا جەڭىسكە جەتكەن. ەكى جەڭىلىسى بەرنارد حوپكينس (2014-جىل، 19- ساۋىردە) پەن گابريەل كامپيلو (2010-جىل 1- قىركۇيەك) كەزدەسۋلەرىندە تىركەلدى. ازىرگە تەڭ تۇسكەن كەزدەسۋى جوق.

كاسىقوي بوكستا جۇرگەن قازاق بوكسشىلارىنىڭ رەيتينگىسىندە ەكىنشى ورىندا. ءبىرىنشى - گەننادي گولوۆكين.