ۇلتتىق ءبىرىڭعاي تەستىلەۋدىڭ العاشقى كۇنىنىڭ ناتيجەسى جاريا ەتىلدى

مينيسترلىك اقپاراتىنا سايكەس، ۇ ب ت 48 پۋنكتتە ءوتتى. 19743 ءوتىنىش بەرگەن تۇلەكتەن 18889 تەستىلەۋگە قاتىستى. 27 تۇلەك شىعارىلعان. 3727 ۇيالى تەلەفون، 3894 شپارگالكا، 83 كالكۋلياتور، 3 فوتواپپارات، 5 راتسيا، 12 روۋتەر جانە 1 مودەم، بارلىعى: 7725 تىيىم سالىنعان زاتتار تاركىلەندى.
ورتاشا بالل 79,7. 2014 - جىلى 76, 8. 50 بالل شەكتى دەڭگەيدەن وتە الماعاندار - 3478. 2014 - جىلى - 6233. تاراز قالاسىنداعى № 45 كلاسسيكالىق قازاق گيمنازياسىنىڭ تۇلەگى ەردوسوۆا گۇلناز جاندوس قىزى 125 بالل جينادى. 100 بالدان جوعارى جيناعاندار - 3409. 2014 - جىلى 3797»، - دەلىنگەن مينيسترلىك اقپاراتىندا.
مينيسترلىكتىڭ ۇ ب ت ەرەجەسىن بۇزۋشىلىقتىڭ الدىن الۋ جونىندەگى پروفيلاكتيكالىق جۇمىسقا قاراماستان الماتى جانە وڭتۇستىك قازاقستان وبلىستارىندا بىرەۋدىڭ ورنىنا دايىنداعان ادامدار انىقتالىپ، ولاردىڭ ناتيجەسى جويىلدى. تەستىلەۋ ناتيجەسى ۇ ب ت ءو پ تاقتايشالارىنا ىلىنۋمەن قاتار، ww.testcenter.kz ۇ ت و سايتىنا دا ەنگىزىلەدى.
اۆتور: مارلان جيەمباي