الماتىدا ارمان وسپانوۆ پەن راسۋل ميرزايەۆ جەكپە-جەككە شىعادى

استانا. قازاقپارات - سامبو بويىنشا ەكى دۇركىن الەم چەمپيونى، Alash Pride كومانداسىنىڭ مۇشەسى ارمان وسپانوۆ بەلگىلى رەسەيلىك سپورتشى راسۋل ميرزايەۆپەن كۇش سىناسادى، دەپ حابارلادى Vesti.kz.

م م ا بويىنشا Alash Pride تۋرنيرى 4- قىركۇيەكتە بالۋان شولاق اتىنداعى سپورت سارايىندا بولادى دەپ جوسپارلانعان. بۇل باسەكەگە رەسەي، قازاقستان جانە وزگە دە ەلدەردىڭ بالۋاندارى قاتىسادى دەپ كۇتىلۋدە. تۋرنير قازاق حاندىعىنىڭ 550 جىلدىعىنا ارنالادى.

ال باستىسى، قازاقستاندىق ارمان وسپانوۆ پەن رەسەيلىك راسۋل ميرزايەۆتىڭ جەكپە-جەگى بولماق. Alash Pride كلۋبىنىڭ وكىلى اسحات ەربولاتوۆتىڭ سوزىنە قاراعاندا، بۇل كەزدەسۋدىڭ وتۋىنە ءتيىستى كەلىسىم جاسالعان.