16:42, 01 - ماۋسىم 2015 | GMT +5
الماتى- استانا تاس جولىندا اۆتوبۋس دوڭگەلەگىن اۋىستىرماق بولعان جۇرگىزۋشى مەرت بولدى
تاراز. قازاقپارات - وقىس وقيعا جامبىل وبلىسى مويىنقۇم اۋدانىندا الماتى- استانا تاس جولىنىڭ 463 - شاقىرىمىندا ورىن الدى، دەپ حابارلادى ايماقتىڭ ت ج د باسپا ءسوز قىزمەتىنەن.
«46 جاستاعى جۇرگىزۋشى جۇرگىزگەن قالا ارالىق «مەرسەدەس-303» جولاۋشىلار اۆتوبۋسىندا اقاۋلىق تۋىنداعان. ونىڭ ارتقى دوڭگەلەگىن اۋىستىرىپ جاتقان كەزدە جۇرگىزۋشى اۆتوبۋس استىندا قىسىلىپ قالعان. ول وقيعا ورنىندا كوز جۇمدى»، - دەپ حابارلادى ۆەدومستۆودان.
وقيعا ورنىنا قاراعاندى وبلىسى پريوزەرسك قالاسىنىڭ 1- ءورت ءسوندىرۋ ءبولىمىنىڭ قىزمەتكەرلەرى مەن مويىنقۇم ا ءى ءى ب جەدەل- تەرگەۋ توبى شىقتى.
جۇرگىزۋشىنىڭ ءمايىتى جامبىل وبلىسى شۋ قالاسىنىڭ ءمايىتحاناسىنا جىبەرىلدى.
جەتىساي- استانا باعىتىمەن جۇرگەن اۆتوبۋس وڭتۇستىكقازاقستاندىق «بەيبارىس ترانس سەرۆيس» ج ش س- ىنە تيەسىلى بولىپ شىقتى. اۆتوبۋس سالونىندا 55 جولاۋشى بولعان. ولاردىڭ بارلىعى بارا جاتقان جەرلەرىنە جول- جونەكەي كولىكتەرمەن جىبەرىلدى، دەدى وبلىستىق ت ج د- ىندە.
