ەلوردالىق اۋەجايدا ۇشۋ جيىلىگى كوبەيدى

ىشكى جانە حالىقارالىق باعىتتار بويىنشا ۇشۋ جيىلىگىنىڭ ءوسۋى كەستەدەن بايقالادى، دەپ حابارلادى astana.gov.kz.

«استانا» حالىقارالىق اۋەجايى رەسمي سايتىنىڭ حابارلاۋىنشا، 2015-جىلعى 25- مامىردان باستاپ «سكات» اۆياكومپانياسى اتىراۋ قالاسى باعىتى بويىنشا ۇشۋ جيىلىگىن اپتاسىنا 5 تەن 7 گە دەيىن ۇلعايتادى. ەندى اتىراۋعا سەيسەنبى جانە سەنبى كۇندەرى قوسىمشا ۇشۋعا بولادى. بۇدان باسقا، اقتوبەگە اپتاسىنا 4 تەن 7 گە دەيىن (دۇيسەنبى، سارسەنبى جانە بەيسەنبى قوسىلدى)، تارازعا اپتاسىنا 6 دان 7 گە دەيىن (سەيسەنبى قوسىلدى) ۇشۋ جيىلىگى ءوستى.

ۇلتتىق تاسىمالداۋشى «ەير استانا» دا ۇشۋ جيىلىگىن ۇلعايتتى. 2- ماۋسىمنان باستاپ الماتىعا ۇشۋ جيىلىگى اپتاسىنا 68 دەن 69 عا دەيىن ءوستى. حالىقارالىق باعىتتار بويىنشا: 24- مامىردان باستاپ اپتاسىنا 3 رەت سارسەنبى، سەنبى جانە جەكسەنبى سايىن انتالياعا ۇشۋلار قايتادان باستالدى، 1- ماۋسىمنان باستاپ بەيجىڭگە ۇشۋ جيىلىگى اپتاسىنا 2 دەن 3 كە دەيىن ۇلعايدى (ەندى بەيجىڭگە دۇيسەنبى كۇنى دە ۇشۋعا مۇمكىندىك بار)، 7- ماۋسىمنان باستاپ بىشكەككە ۇشۋ جيىلىگى اپتاسىنا 3 تەن 4 كە دەيىن ۇلعايدى (ەندى بىشكەككە دۇيسەنبى كۇنى دە رەيستەر بولادى).

1- ماۋسىمنان باستاپ «بەك ەير» اۆياكومپانياسىنىڭ رەيستەرى قاراعاندىعا اپتاسىنا 2 رەتتىك جيىلىگىمەن دۇيسەنبى جانە جۇما كۇندەرى قايتا باستالادى.

2- ماۋسىمنان باستاپ «روسسيا» اۆياكومپانياسى سانكت-پەتەربۋرگكە ۇشۋلاردى اپتاسىنا 5 تەن 7 گە دەيىن ۇلعايتادى.

ۇشۋ جيىلىگىنىڭ كوبەيۋى ترانسفەرتتىك ۇشۋلارداعى ەڭ پايدالى تۇيىسۋلەردى قامتاماسىز ەتۋگە مۇمكىندىك بەرەدى. قازىرگى ۋاقىتتا ەلوردالىق اۋەجايدان 16 ىشكى جانە 23 حالىقارالىق باعىتتار بويىنشا رەسپۋبليكامىزدىڭ بارلىق وبلىس ورتالىقتارىنا، ت م د، ەۋروپا جانە ازيا ەلدەرىنە رەيستەر جۇزەگە اسىرىلادى. تۇراقتى رەيستەردى 4 وتاندىق جانە 12 شەتەلدىك اۆياكومپانيا جۇزەگە اسىرادى.