قازاقستاندا تەمەكى شەگەتىندەردىڭ سانى بەلگىلى بولدى
«GATS زەرتتەۋى ەرەسەك تۇرعىندار اراسىندا تەمەكى تۇتىنۋ جانە وعان باقىلاۋ جاساۋ جونىندە جالپى ۇلتتىق ىرىكتەۋ مالىمەتتەرىن الۋعا باعىتتالعان. بارلىعى 4425 ادام ساۋالناماعا قاتىستى. ولاردىڭ ىشىندە 2085 ەرلەر، 2340 ايەلدەر. زەرتتەۋ ناتيجەسى بويىنشا ەرلەردىڭ 42,4 پايىزى تەمەكى شەگەدى، ال ايەلدەردىڭ ۇلەسى ءبىرشاما تومەندەۋ - 4,5 پايىز. جالپى قازاقستان حالقىنىڭ 22,4 پايىزى نەمەسە 2,8 ميلليون ادام تەمەكى ونىمدەرىن تۇتىنادى»، - دەدى ول.
تاعى ءبىر قىزىعى تەمەكىنى ۇزبەي شەگۋشى 10 ادامنىڭ ىشىندە تەك بىرەۋى تەمەكى شەگۋدەن باس تارتا العان. ال ولاردىڭ التاۋى شىلىم شەگۋدى تاستاۋدى جوسپارلاپ وتىر. دەگەنمەن ول اركىمنىڭ قولىنان كەلە بەرمەيدى. تەمەكى شەگۋشى 10 ادامنىڭ 3-ەۋى سوڭعى 12 ايدا شىلىمنان باس تارتىپ كورمەك بولعان.
ايتا كەتەيىك، قازاقستان 2004 - جىلى د د ۇ تەمەكىگە قارسى كۇرەس جونىندەگى نەگىزدەمەلىك كونۆەنتسياسىنا قوسىلدى. قازاقستانعا دەيىن GATS تەمەكى تۇتىنۋ كورسەتكىشى جوعارى الەمنىڭ 19 ەلىندە وتكىزىلدى. د د ۇ مالىمەتتەرىنە سايكەس، الەم بويىنشا جىل سايىن 6 ميلليون جۋىق ادام تەمەكنىڭ زاردابىنان كوز جۇمادى.
اۆتور: جاسۇلان جولدىبايەۆ
