حورۆاتيا پرەمەر-ءمينيسترى قازاقستاننىڭ جەتىستىكتەرىنە تاڭدانىسىن ءبىلدىردى

استانا. قازاقپارات - بۇگىنگى تاڭدا قازاقستان جەتكەن جەتىستىكتەرى تاڭ قالدىرادى. بۇگىن ءوتىپ جاتقان قازاقستان-حورۆاتيا بيزنەس-فورۋمىندا حورۆاتيا پرەمەر-ءمينيسترى زوران ميلانوۆيچ وسىنداي پىكىر ءبىلدىردى.

 

«مەن قازاقستانعا وسىدان 20 جىل بۇرىن كەلگەن ەدىم. ال قازاقستاننىڭ بۇگىنگى جەتكەن جەتىستىكتەرى تاڭداي قاقتىرادى. سىزدەردىڭ جەتىستىككە جەتكەن جولدارىڭىز باسقالاردىكىنەن وزگەشە. بۇل جولعا پرەزيدەنتتەرىڭىزدىڭ دانا ساياساتى باعىتتاپ وتىرعانىن كورەمىز. سىزدەردىڭ ەلدەرىڭىزدىڭ جەتىستىگى ءاربىر قازاقستاندىقتىڭ ماڭداي تەرىمەن كەلگەن جەتىستىك دەۋگە بولادى»- دەپ اتاپ ءوتتى ز. ميلانوۆيچ.

ونىڭ ايتۋىنشا، ءوزى حورۆاتيانىڭ پرەمەر-ءمينيسترى بولسا دا، وسىنداي ساپارلارعا شىعۋ مۇمكىندىگى ءجيى تۋا بەرمەيدى. ال بۇگىنگى ساپاردا ونىمەن بىرگە حورۆاتيانىڭ كوپتەگەن بيزنەسمەندەرى كەلىپ وتىر.

«ءبىز قازاقستاننىڭ بۇگىنگى جەتكەن جەتىستىكتەرىن ءوز كوزىمىزبەن كورگەن كەزدە، ءوز تابىستارىمىزدىڭ ونشا جوعارى ەمەس ەكەنىن تۇسىندىك. وزدەرىڭىز بىلەسىزدەر، حورۆاتيا ەۋروووداقتىڭ ورتاسىندا ورنالاسقان. سوندىقتان ءبىز قازاقستانمەن جان-جاقتى ارىپتەستىككە دايىنبىز جانە سىزدەردىڭ تاراپتارىڭىزدان بارلىق ينۆەستيتسيالارعا ەسىگىمىز اشىق»، - دەدى حورۆاتيا پرەمەر-ءمينيسترى.

اۆتور: ءابۋ-اسقار مەكەش ۇلى