قازاقستان رەسپۋبليكاسىمەن قارىم- قاتىناس - موڭعوليانىڭ سىرتقى ساياساتىنىڭ ماڭىزدى باعىتى - موڭعوليا سىرتقى ىستەر ۆيتسە- ءمينيسترى - فوتو
ولاردىڭ قورىتىندىلارى بويىنشا ق ر سىرتقى ىستەر ءمينيسترىنىڭ ءبىرىنشى ورىنباسارى ءراپىل جوشىبايەۆ پەن موڭعوليا سىرتقى ىستەر ۆيتسە- ءمينيسترى ناۆاان- يۋندەن ويۋۋندار 2015-2016 -جىلدارعا ارنالعان ۆەدومستۆوارالىق ىنتىماقتاستىقتىڭ جوسپارىنا قول قويدى.
كەلىسسوزدەر بارىسىندا تاراپتار ءبىر- ءبىرىن الەۋمەتتىك- ەكونوميكالىق جاعدايدىڭ باستى اسپەكتىلەرى، سونداي- اق ءوز مەملەكەتتەرىنىڭ سىرتقى ساياسي باعىتتارىمەن تانىستىرىپ ءوتتى.
«قازاقستان رەسپۋبليكاسىمەن قارىم- قاتىناس - موڭعوليانىڭ سىرتقى ساياساتىنىڭ ماڭىزدى باعىتى. ءبىزدىڭ پرەزيدەنتتەرىمىز تاياۋدا ماسكەۋ قالاسىندا ءبىزدىڭ ورتاق مەرەكەمىز - جەڭىستىڭ 70 جىلدىعىن تويلاۋ كەزىندە كەزدەستى. پارلامەنت ارالىق بايلانىستار قارقىندى دامۋ ۇستىندە. بيىلعى جىلدىڭ اقپان ايىندا موڭعوليانىڭ پارلامەنتتىك توبىن قازاقستاندا جىلى قارسى العانىنا ريزاشىلىعىمدى بىلدىرەمىن. ءبىز قازاقستاندىق پارلامەنتشىلەردى 15-19 - قىركۇيەك ارالىعىندا ۇلان- باتىردا وتەتىن ۇ ق ى ۇ- نىڭ پارلامەنتتىك اسسامبلەياسىنىڭ كۇزگى سەسسياسىنا قاتىسۋعا شاقىرامىز»، - دەدى كەلىسسوزدەر بارىسىندا ن. ويۋۋندار.
ول موڭعوليانىڭ يادرولىق قارۋسىز ستاتۋسى جانە 2009 - جىلى كۇشىنە ەنگەن، ورتالىق ازياداعى يادرولىق قارۋدان ازات ايماق تۋرالى شارت (قازاقستان دا قاتىسقان) ايماقتىق قاۋىپسىزدىكتىڭ ماڭىزدى بولىگى بولىپ تابىلاتىنىن اتاپ ءوتتى.
ن. ويۋۋندار ۇلان- باتىر مەن استانانىڭ ش ى ۇ جانە جىبەك جولى بويىنداعى دامىعان ينفراقۇرىلىمدى قالىپتاستىرۋ ءتارىزدى كوپجاقتى قۇرىلىمدار مەن جوبالاردىڭ اياسىنداعى ىنتىماقتاستىعىنىڭ ۇلكەن الەۋەتى بار ەكەنىن ايتتى. موڭعول ديپلوماتى ايماقتىق جانە جان- جاقتى ىنتىماقتاستىق، ماماندار الماستىرۋ ماسەلەلەرى بويىنشا تۇراقتى ۆەدومستۆوارالىق سەمينارلار مەن دوڭگەلەك ۇستەلدەردى وتكىزىپ، سونداي- اق ەكى ەلدىڭ ديپلوماتيالىق اكادەميالارىنىڭ اراسىنداعى ىنتىماقتاستىقتى رەتكە كەلتىرۋدى ۇسىندى.
«ءبىز قازاقستاننىڭ ەكسپو-2017 كورمەسىنە دايىندىعىن عانا ەمەس، جالپى العاندا، بۇل حالىقارالىق كورمەنى ناسيحاتتاۋداعى بەلسەندىلىگىن كورىپ وتىرمىز. ءبىز موڭعوليانى ەكسپو كورمەسىنە قاتىسۋعا شاقىرعاندارىڭىز جانە ءبىزدىڭ پاۆيلونىمىزدى ازيا- تىنىق مۇحيتى ايماعى قۇرامىنا كىرەتىن ەلدەر - جاپونيا جانە وڭتۇستىك كورەيامەن ءبىر قاتارعا ورنالاستىرۋعا دايىن ەكەندىكتەرىڭىزگە ريزاشىلىق بىلدىرەمىز»، - دەدى ن. ويۋۋندار.
ءوز تاراپىنان ر. جوشىبايەۆ قازاقستاننىڭ دۇنيەجۇزىلىك ساۋدا ۇيىمى مۇشەلىگىنە كانديداتۋراسىن، سونداي- اق ق ر- نىڭ 2017-2018 - جىلدارى ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى ستاتۋسىن الۋىنا ۇلان- باتىردىڭ قولداۋىنىڭ ماڭىزدىلىعىن اتاپ ءوتتى. ول قازاقستان سىرتقى ساياساتىندا ەكونوميكاعا باسىمدىق بەرەتىندىگىن اتاي كەلە، ساۋدا- ەكونوميكالىق، تاۋ- كەن، قارجىلىق- ينۆەستيتسيالىق، اۋىل شارۋاشىلىعى، ءبىلىم بەرۋ، مادەني- گۋمانيتارلىق جانە باسقا دا سالالارداعى ەكىجاقتى ىنتىماقتاستىقتى جانداندىرۋ قاجەتتىلىگىنە توقتالىپ ءوتتى.
ەستەرىڭىزگە سالا كەتەيىك، قازاقستان مەن موڭعوليا اراسىنداعى ديپلوماتيالىق قاتىناستار 1992 - جىلدىڭ 22 - قاڭتارىندا ورناتىلعان. قازاقستاندىق تاراپتىڭ مالىمەتتەرىنشە، 2014 - جىلى ەكىجاقتى تاۋار اينالىمىنىڭ كولەمى 58,9 ميلليون ا ق ش دوللارىن قۇرادى.
