الماتىدا مىڭ گۇلدەن كىلەم ءورىلىپ جاتىر

استانا. قازاقپارات - الماتىدا مىڭ گۇلدەن كىلەم ءورىلىپ جاتىر، - دەپ حابارلايدى Tengrinews.kz ءتىلشىسى قالا اكىمىنىڭ باسپا ءسوز قىزمەتىنە سىلتەمە جاساپ. الماتىلىقتار مەن قالا قوناقتارى ول كىلەمدى 23- مامىردا ق ر تۇڭعىش پرەزيدەنتىنىڭ ساياباعىندا وتەتىن V قالالىق «الماتى - گۇل قالا» اتتى گۇل فەستيۆالىندە كورە الادى.

باسپا ءسوز قىزمەتىنىڭ مالىمەتىنشە، مەرەكە باعدارلاماسى وتە تارتىمدى. مەرەكەنىڭ نەگىزگى كورسەتىلىمى - قولدان جاسالعان گۇل كىلەم، ول مىڭ گۇلدەن جانە تابيعي ماتەريالدىڭ 30 دان استام تۇرىنەن ورىلگەن. V فەستيۆالدى بەزەندىرۋ ىسىندە كوپكە كەڭىنەن تانىمال كورىنىستەر - ەتنيكالىق سۋرەتتەرمەن جانە قازاقستاندىق ويۋ-ورنەكپەن بەزەندىرىلگەن ۆيتراج بەن موزيكا جاسالادى.

«فەستيۆالعا كەلۋشىلەر گۇلدەر كورمەسى مەن جارمەڭكەسىن، كونسەرتتى، قالا اۋداندارى مەن فلوريستىك كومپانيالاردىڭ بايقاۋلارىن، اشىق اسپان استىنداعى كينوتەاتردى، جاس ورىنداۋشىلار كونكۋرسىن تاماشالاي الادى. فەستيۆال قوناقتارىن قالانىڭ بەلگىلى ادامدارى گۇل مەرەكەسىمەن قۇتتىقتايدى»، - دەلىنگەن اكىمدىكتىڭ حابارلاماسىندا.

ايتا كەتەيىك، فەستيۆال ساعات 11.00 دەن 21.00 گە دەيىن بولادى.