استانادا «ءبىزدىڭ كۇشىمىز - بىرلىكتە!» اكسياسى ءوتتى
كەشە «جەرۇيىق» ساياباعىندا استانا قالاسىنىڭ اكىمدىگى ەسكەرتكىشتەر مەن تاريحي-مادەني مۇرا نىساندارىن ساقتاۋدى قامتاماسىز ەتۋ ديرەكتسياسىنىڭ ۇيىمداستىرۋىمەن جاقىندا عانا اشىلعان گەنەرال-مايور يۆان پانفيلوۆقا ارنالعان ەسكەرتكىشتىڭ جانىندا «ءبىزدىڭ كۇشىمىز - بىرلىكتە!» اتتى اكسيا ءوتتى، دەپ حابارلايدى ەلوردانىڭ رەسمي سايتى.
اتالمىش شارا ەڭ الدىمەن مەكتەپ وقۋشىلارىنا ەسكەرتكىشتەردى ساقتاۋدىڭ ماڭىزدىلىعىن تۇسىندىرۋمەن تىكەلەي بايلانىستى بولىپ وتىر. وسىلايشا، 63№ ورتا مەكتەپتىڭ 1-سىنىپ وقۋشىلارى اتا-انالارىمەن بىرگە ي. پانفيلوۆ ەسكەرتكىشىنىڭ الدىنا جينالدى.
شارا باراسىندا وقۋشىلار جەڭىس كۇنىنە ارنالعان ولەڭدەردى وقىپ، تانىمال «كاتيۋشا» ءانىن ورىندادى.
اكسيا اياسىندا قاتىسۋشىلارعا اتاقتى گەنەرالدىڭ ءومىرى مەن 28 گۆاردياشى- پانفيلوۆشىلار تۋرالى دەرەكتەر ايتىلدى. سونىمەن قاتار، وقۋشىلار اتالمىش ەسكەرتكىشتىڭ اۆتورى، جاس ساۋلەتشى، «شابىت-2013» حالىقارالىق جاستار فەستيۆالىنىڭ لاۋرەاتى رينات ابەنوۆپەن كەزدەستى.
شارادان كەيىن وقۋشىلار «قازارت» قازاقستان كوركەم كومبيناتى» ج ش س عيماراتىندا بولىپ، كوركەمدىك-وندىرىستىك جۇمىستارمەن تانىستى.
