09:25, 09 - مامىر 2015 | GMT +6
قىرعىزستان ەۋرازيالىق ەكونوميكالىق وداققا قوسىلدى
بىشكەك. قازاقپارات - كەشە ماسكەۋدە وتكەن جوعارى ەۋرازيالىق ەكونوميكالىق كەڭەس وتىرىسىنىڭ بارىسىندا ەۋرازيالىق ەكونوميكالىق كەڭەس ەلدەرىنىڭ مەملەكەت باسشىلارى قىرعىز رەسپۋبليكاسىنىڭ ە ا ە و- قا كىرۋىنە قاتىستى ءبىرقاتار حاتتامالارعا قول قويدى.
استانادا قول قويىلعان 2014 - جىلعى 29 - مامىرداعى ەۋرازيالىق ەكونوميكالىق وداق تۋرالى كەلىسىمشارتقا وزگەرىستەر ەنگىزۋ تۋرالى حاتتاماعا، سونداي- اق قىرعىزستاننىڭ ە ا ە و- قا قوسىلۋىنا بايلانىستى ءبىرقاتار جەكەلەگەن حالىقارالىق كەلىسىمشارتتارعا قول قويىلدى.
پروتسەدۋراعا سايكەس، قىرعىزستاننىڭ وداققا قوسىلۋى تۋرالى حاتتاما ە ا ە و- قا مۇشە ەلدەردىڭ پارلامەنتتەرىندە راتيفيكاتسيالانۋى ءتيىس.
