23:30, 08 - مامىر 2015 | GMT +5
ماسكەۋدە قازاقستان جانە ەگيپەت پرەزيدەنتتەرى ەكى ەلدىڭ ىنتىماقتاستىق ماسەلەلەرىن تالقىلادى
استانا. قازاقپارات - بۇگىن مەملەكەت باسشىسى نۇرسۇلتان نازاربايەۆ ۇلى وتان سوعىسىنداعى جەڭىستىڭ 70 جىلدىعىن مەرەكەلەۋ شارالارى اياسىندا ەگيپەت پرەزيدەنتى ابدەل فاتتاح اس-سيسيمەن كەزدەستى،
دەپ حابارلايدى اقوردانىڭ باسپاءسوز قىزمەتىنەن.
ەكى ەلدىڭ مەملەكەت باسشىلارى ساياسي جانە ساۋدا-ەكونوميكالىق سالاداعى ەكىجاقتى ىنتىماقتاستىق ماسەلەلەرىن، سونداي-اق قارىم-قاتىناستاردىڭ ودان ءارى دامۋ كەلەشەگىن تالقىلادى.
سونىمەن قاتار، نۇرسۇلتان نازاربايەۆ پەن ابدەل فاتتاح اس-سيسي حالىقارالىق كۇن تارتىبىندەگى مەيلىنشە وزەكتى ماسەلەلەر جونىندە پىكىر الماستى.
