بۇگىن ق ر حالىق ءارتىسى اسانالى ءاشىموۆتىڭ تۋعان كۇنى
ايگىلى اكتەر 1937-جىلى جامبىل وبلىسىندا تۋعان. قۇرمانعازى اتىنداعى مەملەكەتتىك كونسەرۆاتوريانى بىتىرگەن، دراما تەاترىنىڭ اكتەرى. ت. جۇرگەنوۆ اتىنداعى ۇلتتىق ونەر اكادەمياسىنىڭ پروفەسسورى. بىرنەشە كىتاپتاردىڭ اۆتورى.
«بوتاگوز»، «اساۋ ەرتىس جاعاسىندا»، «ءبىر اۋداندا»، «ۇشى-قيىرسىز جول» «قىز جىبەك»، «اتاماننىڭ اقىرى»، «ترانس ءسىبىر ەكسپرەسى»، «جاۋشى» جانە باسقا دا كوپتەگەن فيلمدەرگە تۇسكەن.
تەاتردا «اباي» سپەكتاكلىندە اباي، «ەڭلىك-كەبەكتە» كەبەك، «قاراقىپشاق قوبىلاندىدا» شۋاق، «قان مەن تەردە» ەلامان رولدەرىن سومدادى. ن. گوگولدىڭ «ريەۆيزورىن»، ع. مۇسىرەپوۆتىڭ «امانگەلدى»، ن. ورانبايەۆتىڭ «مەن ىشپەگەن ۋ بار ما؟» ج. ايماۋىتوۆتىڭ «اقبىلەك» سپەكتاكلدەرىن ساحنالادى. «شوقان ءۋاليحانوۆ»، «قوزى كورپەش - بايان سۇلۋ»، «ءسىز كىمسىز، كا مىرزا؟» فيلمدەرىن ءتۇسىردى.
1990-جىلدان «ەلىم-اي» كينوستۋدياسىنىڭ پرەزيدەنتى. «وتان» وردەنىمەن، م. ۆ. لومونوسوۆ اتىنداعى، «التىن قىران» وردەندەرىمەن ماراپاتتالعان.
ك س ر و جانە ق ر حالىق ءارتىسى، ك س ر و مەملەكەتتىك سىيلىعىنىڭ لاۋرەاتى.
