14:59, 07 - مامىر 2015 | GMT +5
بۇگىنگى اسكەري شەرۋ قازاقستان ارمياسىنىڭ كۇش-قۋاتىن پاش ەتتى - ا. فازۋلوۆا
استانا. قازاقپارات - بۇگىنگى اسكەري شەرۋ قازاقستان ارمياسىنىڭ كۇش-قۋاتىن پاش ەتتى. بۇل پىكىردى استاناداعى «قازاق ەلى» الاڭىندا وتكەن وتان قورعاۋشى كۇنى مەن ۇلى وتان سوعىسىنداعى جەڭىستىڭ 70 جىلدىعىنا ارنالعان اسكەري شەرۋدەن كەيىن سوعىس ارداگەرى الەكساندرا فازۋلوۆا ءبىلدىردى.
«قازاقستاندىق اسكەري قىزمەتشىلەرگە، وتان قورعاۋشىلارعا زور دەنساۋلىق، جەكە ومىرلەرىندە باقىت جانە قىزمەتتەرىندە زور تابىس تىلەيمىن. سونىمەن قاتار قازاقستاندىقتار ءار ۋاقىتتا دا بەيبىت اسپان استىندا ءومىر ءسۇرسىن، باي-باقۋاتتى بولسىن. بۇگىنگى وتكەن اسكەري شەرۋ قازاقستاننىڭ ارمياسى قانداي قۋاتتى ەكەندىگىن پاش ەتتى. ولار ءبىزدىڭ وتانىمىزدى قورعاۋشىلار»، - دەدى سوعىس ارداگەرى.
20 جاسىندا سوعىستىڭ اششى ءدامىن تاتقان ول كەزەكتى ۇرىستاردىڭ بىرىندە اۋىر جاراقات العاننان كەيىن قاراعاندىداعى اسكەري گوسپيتالدە ەمدەلگەن. سودان كەيىن قازاقستاندا تۇراقتاپ قالعان. سوعىستا كورسەتكەن ەرلىگى ءۇشىن بىرنەشە مەدالمەن ماراپاتتالعان.
اۆتور: مارلان جيەمباي
