08:21, 06 - مامىر 2015 | GMT +6
ساۋد ارابياسىنىڭ كورولى قازاقستانمەن اراداعى دوستىق بايلانىستى جوعارى باعالايتىنىن ايتتى
استانا. قازاقپارات - ساۋد ارابياسىنىڭ كورولى سالمان بەن ابدەل ءازيز ءال ساۋد نۇرسۇلتان نازاربايەۆتى قازاقستان رەسپۋبليكاسى پرەزيدەنتى لاۋازىمىنا سايلانۋىنا بايلانىستى قۇتتىقتاۋ جەدەلحاتىن جولدادى، دەپ حابارلادى اقوردانىڭ باسپا ءسوز قىزمەتىنەن.
سالمان بەن ابدەل ءازيز ءال ساۋد نۇرسۇلتان نازاربايەۆتى قازاقستان رەسپۋبليكاسى پرەزيدەنتى لاۋازىمىنا قايتا سايلانۋىنا بايلانىستى ساۋد ارابياسى ۇكىمەتىنىڭ جانە حالقىنىڭ اتىنان قۇتتىقتاپ، وعان مىقتى دەنساۋلىق، ال دوستاس قازاقستان حالقىنا باق-بەرەكە تىلەدى.
«وسى مۇمكىندىكتى پايدالانا وتىرىپ، ءبىز ساۋد ارابياسى مەن قازاقستاننىڭ اراسىنداعى باۋىرلاستىق، دوستىق بايلانىستى جوعارى باعالايتىنىمىزدى ايتقىم كەلەدى. باۋىرلاس ەلدەرىمىز اراسىنداعى ءوزارا قارىم-قاتىناستاردى بارلىق سالادا بۇدان ءارى دە نىعايتىپ، دامىتا بەرۋگە نيەتتىمىز»، دەلىنگەن جەدەلحاتتا.
