استانالىق اۆتو ورتالىقتا جەڭىلدەتىلگەن نەسيەمەن كولىك بەرىلە باستادى - فوتو

 استانا - وسكەمەن. قازاقپارات - «ب ي پ ە ك اۆتو - ازيا اۆتو» كومپانياسى توبىنىڭ استانالىق اۆتو ورتالىعىندا جەڭىلدىكپەن نەسيە بەرۋ باعدارلاماسىنا قاتىساتىن العاشقى كولىكتىڭ كىلتى تابىس ەتىلدى.

بىرەگەي باعدارلامانىڭ يگىلىگىن استانالىق جانىبەك ءسادۋاقاسوۆ كوردى.

جاڭا كولىك يەسىن باعدارلامانىڭ ءتيىمدى شارتى قىزىقتىرعان: قولجەتىمدى باعا، نەسيە مەرزىمى 5 جىلعا دەيىن. باستاپقى جارنا - كولىك قۇنىنىڭ 20 پايىزىنان اسپايدى، ءارى اۆتو قازاقستان اۋماعىندا شىعارىلعان. بۇل مۇمكىندىكتەر قازاقستاندىقتار ءۇشىن قازاقستاننىڭ 26 قالاسىندا اشىلدى. ول جەرلەردە كومپانيانىڭ فيليالدارى جۇمىس ىستەۋدە. مىنا كولىكتەردى: Chevrolet ماركاسىنىڭ 6 ۇلگىسى، KIA برەندىنىڭ 12 ۇلگىسى، LADA جول تالعامايتىن كولىگى، SKODA ماركاسىنىڭ 4 ۇلگىسىن الا الادى، دەپ حابارلادى كومپانيادان.

 جاڭا كولىك يەسى ج. ءسادۋاقاسوۆ: «4 پايىزدىق نەسيەلەۋ باعدارلاماسى ارقاسىندا وزىمە ۇناعان SKODA RAPID»  الدىم. «سەنتر كرەديت» بانكى ماقۇلدادى، ەندى بىرنەشە كۇننەن كەيىن كولىگىمدى الىپ كەتەمىن»، - دەيدى.

 «Skoda Rapid» جەڭىلدىكپەن نەسيەلەۋ باعدارلاماسىنىڭ تاريحىن اشتى. بۇل قازاقستاندا قۇراستىرىلعان كولىكتەردىڭ ءبىرى، ول 2 جىلعا جەتپەي، قازاقستان نارىعىندا №1 ەۋروپالىق ۇلگى مارتەبەسىنە يە بولدى. 2015 - جىلعى ءبىرىنشى توقسان ناتيجەسى بويىنشا ق ر جەڭىل كولىك ءوندىرىسى كولەمىندە «ازيا اۆتو» ا ق ۇلەسى 79 پايىزدى قۇرادى.

«ب ي پ ە ك اۆتو- ازيا اۆتو» كومپانياسىنىڭ استانالىق اۆتوورتالىعىنىڭ ديرەكتورى باقىت ساتپايەۆتىڭ ايتۋىنشا، ۇكىمەتتىڭ باستاماسى ساتىپ الۋشىلاردىڭ ەرەكشە قىزىعۋشىلىعىن تۋدىرعان، وسىدان كەيىن كومپانياعا جۇگىنۋشىلەردىڭ سانى ارتا ءتۇستى.

«نۇرلى جول» باستاماسى بويىنشا قازاقستاندىقتار ەلىمىزدە شىعارىلعان كولىكتەردى قولجەتىمدى نەسيەمەن ساتىپ الۋ مۇمكىندىگىنە يە بولدى.

باعدارلاما قاتىسۋشىلارىنىڭ اي سايىنعى تولەمى 32,4 مىڭ تەڭگەنى قۇرايدى. 5 جىلعا نەسيەلەۋ مەرزىمىندە 20 پايىزدىق باستاپقى جارنا مەن جىلدىق 4 پايىزدىق سىياقى ستاۆكاسىمەن جول تالعامايتىن LADA 4*4 كولىگىن ساتىپ الاتىنداردىڭ شىعىن مولشەرى وسىنداي.