باتىس قازاقستاندىق جازۋشى قايىر بەكتۇرعانوۆ ومىردەن ءوتتى

ورال. قازاقپارات - باتىس قازاقستاندىق بەلگىلى قالامگەر، قازاقستان جازۋشىلار وداعىنىڭ مۇشەسى قايىر بەكتۇرعانوۆ (قۇراقۇلان) ۇزاققا سوزىلعان اۋىر ناۋقاستان قايتىس بولدى.

ول 1937 - جىلى 5 - ناۋرىزدا قازىرگى اقجايىق اۋدانى تايپاق اۋىلىندا دۇنيەگە كەلدى.

1960 - جىلى قاز پ ي- ءدىڭ فيزيكا- ماتەماتيكا فاكۋلتەتىن ءتامامداپ، ۇستازدىق جولعا ءتۇستى. 1963 -جىلدان زەينەتكە شىققانعا دەيىن باتىس قازاقستان اۋىل شارۋاشىلىعى ينستيتۋتىندا (قازىرگى جاڭگىر حان اتىنداعى باتىس قازاقستان اگرارلىق- تەحنيكالىق ۋنيۆەرسيتەتى) جوعارى ماتەماتيكادان ءدارىس بەرىپ، تالاي شاكىرتتى تاربيەلەپ شىعاردى.

ۇستازدىق ەتۋمەن بىرگە كوركەم شىعارمالار جازۋمەن اينالىسقان قالامگەردىڭ «ارمان» اتتى اڭگىمەسى 1965 -جىلدىڭ 19 - جەلتوقسانىندا باتىس قازاقستان وبلىستىق «ورال ءوڭىرى» گازەتىندە جارىق كوردى. سودان بەرى تۋىندىلارى رەسپۋبليكالىق، وبلىستىق مەرزىمدى باسپا ءسوز بەتتەرىندە جاريالانىپ كەلەدى. 1976 - جىلدىڭ قورىتىندىسى بويىنشا رەسپۋبليكالىق «جالىن» جۋرنالىنىڭ جابىق بايگەسىندە بالالارعا ارنالعان «ات جالى» پوۆەسى ءۇشىن جۇلدەگەر اتاندى. 1978 - جىلى «جالىن» باسپاسىنان «بابانازار تەرەگى» اتتى اڭگىمەلەر جيناعى، 1980 - جىلى «ىزگىلىك جولى» ، 1984 - جىلى «قاتەرلى قيادا» اتتى پوۆەستەر كىتاپتارى جارىق كوردى. 1982 - جىلى قازاقستان جازۋشىلار وداعىنا قابىلداندى.

2007 - جىلى جازۋشى قايىر قۇراقۇلان (بەكتۇرعانوۆ) جەتپىس جىلدىعىنا بايلانىستى «ات جالى»، «كەرى تولعاۋ» جانە «قاتقاق» دەگەن اتپەن ءۇش تومدىعىن ازىرلەپ شىعاردى. سونىڭ ىشىندە «قاتقاق» كىتابىنا كەيىنگى كەزەڭدە جازىلىپ، باسى بىرىكپەگەن دۇنيەلەر ەنگىزىلدى. ولاردىڭ ىشىندە اڭگىمە، نوۆەللالارىمەن بىرگە «ءۋاسيلا ارۋ مەن جانجىگىت» اتتى پەساسى مەن «قاتقاق» رومانى بار. قالامگەر سونىمەن قاتار مەملەكەتتىك ءتىل، ءدىن جانە باسقا كوكەيكەستى تاقىرىپتاردا كولەمدى ماقالالار جازىپ تۇردى.

ايتا كەتەيىك، جازۋشىنىڭ اكەسى قۇراق اقساقال كەزىندە ماحامبەتتىڭ بەيىتىن تاۋىپ بەرگەن بولاتىن.

اۆتور: ەلجان ەرالى