قازاقستان حالقىنىڭ بىرلىگى كۇنى قۇرمەتىنە ق ر ق ك اسكەري قىزمەتشىلەرى بۇقارالىق سپورت جارىسىن وتكىزدى - فوتو

استانا. قازاقپارات - قازاقستان حالقىنىڭ بىرلىگى كۇنى قۇرمەتىنە ق ر ق ك اسكەري قىزمەتشىلەرى بۇقارالىق سپورت جارىسىن وتكىزدى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتىنەن.

 83205, 43988 اسكەري بولىمدەرىنىڭ، استانا قالاسى قورعانىس ىستەرى جونىندەگى دەپارتامەنتىنىڭ، ق ر ق ك اسكەري پوليتسيا باس باسقارماسىنىڭ، قورعانىس مينيسترلىگى ورتالىق مۇراعاتى مەن باسپاحاناسىنىڭ اسكەري قىزمەتشىلەرى قازاقستان حالقىنىڭ بىرلىگى كۇنىن بۇقارالىق سپورت جارىسىمەن اتاپ ءوتۋدى ءجون كوردى. وسى ورايدا اسكەري قىزمەتشى قىز- كەلىنشەكتەر 25 مەترگە جۇگىرۋ سپورتتىق ەستافەتاسىنان سايىسقا ءتۇستى (دوپپەن جۇگىرۋ، قاپ كيىپ جۇگىرۋ، كوزدى بايلاپ جۇگىرۋ) . كوماندالاردىڭ ەرلەر تاراپى بۇدان قيىنىراق تاپسىرمالار: 25 مەترگە 24 ك گ كىر تاسىمەن جۇگىرۋ، 100 مەترگە جۇگىرۋ، 70 جانە 85 ك گ دەيىنگى سالماق دارەجەلەرىندە قول كۇرەستىرۋ، تۋرنيكتە كۇشتىك جاتتىعۋلاردى ورىنداۋ (كۇشپەن شىعۋ، اۋدارىلىپ كوتەرىلۋ) دايىندالعان بولاتىن. جارىس شەڭبەرىندە سونداي- اق ميني- فۋتبولدان تۋرنير ءوتتى.

ءىس- شارانىڭ قورىتىندى كەزەڭىندە بارلىق التى توپ ارقان تارتىسىپ كۇش سىناستى. وسىنداي بۇقارالىق سپورت ءىس- شارالارى ق ر قارۋلى كۇشتەرىنىڭ اسكەري بولىمدەرىندە ۇدايى ۇيىمداستىرىلىپ تۇرادى. بۇل شارالار جالپى دەنە دايارلىعى جاعدايىن، جەكە قۇرامنىڭ كوماندالىق رۋحىن نىعايتادى جانە تەك اسكەري قىزمەتشىلەردىڭ عانا ەمەس، سونىمەن بىرگە بارشا جۇرتشىلىقتىڭ بۇقارالىق سپورتپەن اينالىسۋعا قىزىعۋشىلىعىن ارتتىرادى.