ابىلايحانمەن سويلەسكەن سۋرەتشى

استانا. قازاقپارات - حوتەيا ەسىمدى سۋرەتشى بىرنەشە جىلدان بەرى وزگە پلانەتالىقتارمەن سويلەسەتىنىن ايتادى.

بۇدان بولەك ومىردەن وتكەن حان- باتىرلار، تانىمال ونەر ادامدارىنىڭ رۋحىمەن دە تىلدەسەدى ەكەن. ەرەكشە سۋرەتشىنىڭ ونەرىن NUR. KZ ءتىلشىسى دە تاماشالاپ قايتقان.

سۋرەتشىنىڭ ايتۋىنشا، قاراپايىم ادامنىڭ كوزىنە كورىنبەيتىن وزگە پلانەتالىقتار ءار ءبىر تۋىندىسىن سالۋ كەزىندە وعان كومەكتەسەدى. ءتىپتى ءار شىعارمادا پايدالانىلعان تۇستەر، كورىنىستەر - ءبىز بىلمەيتىن وزگە الەمدىكتەردىڭ فانتازياسى.

«ابىلاي حانمەن سويلەستىم. ول كىسى قازىرگى پرەزيدەنت نۇرسۇلتان نازاربايەۆتىڭ ۇستانعان ساياساتىنا ءدان ريزا. ءتىپتى مەن ونىڭ بويى سونداي سۇڭعاق ەمەس، ورتاشا بولعانىن دا ايتا الامىن. ەتىگىنىڭ قونىشى ۇزىن بولدى. بارلىعى دا ەسىمدە. سول ءۇشىن مىنا تۋىندىمدى ابىلاي حانعا ارنادىم»، - دەدى سۋرەتشى.

ال كەي شىعارمالارداعى بىزگە مۋلتفيلم كەيىپكەرىندەي كورىنەتىن دۇنيەلەر، حوتەيانىڭ ايتۋىنشا - دوستارى. ولارمەن ءتۇسىنىسىپ، تىلدەسەدى ەكەن. ءتىپتى ەكى الەمدى سالىستىرىپ، پىكىر الماسادى.

حوتەيا ونەرىن ماقتان تۇتاتىنداردىڭ ءبىرى. ونىڭ قولىنان شىققان سۋرەتتەر رەسەيدىڭ تاڭداۋلى شىعارمالار تۇراتىن مۇراجايىندا ساقتالعان.

«مەن ءار تۋىندىم ارقىلى ادامزاتتى مەيىرىمدىلىككە، سۇيىسپەنشىلىككە ۇگىتتەگىم كەلەدى. كەز كەلگەن قاتىگەز ادامدى جىلى، جاعىمدى سوزدەر مەن ارەكەتتەر ارقىلى جۇمسارتۋعا بولادى. ءومىردى جاقسى تۇسىنان كورسەتۋگە ەڭبەكتەنەمىن»، - دەيدى سۋرەتشى.

 

دەرەككوز: Nur.kz