حالىق قازاقستاننىڭ جەتكەن جەتىستىكتەرىنە جاۋاپتى ەكەندىكتەرىن ۇقتى - ءادىل قاۋكەنوۆ
بۇل تۋرالى بۇگىن exit-poll ناتيجەلەرىنەن كەيىن تىلشىلەرگە بەرگەن سۇحباتىندا ساياساتتانۋشى، تاۋەلسىز ساراپشى ءادىل قاۋكەنوۆ ءمالىم ەتتى.
ونىڭ اتاپ كورسەتكەنىندەي، سايلاۋ مەملەكەتتىڭ جەتكەن جەتىستىكتەرىن بەكىتۋدىڭ قۇرالى ەكەندىگىن سەزىنەدى جانە ونى دەموكراتيالىق نەگىزدە ناقتىلاۋدىڭ جولى دەپ تۇسىنەدى.
«بيىل قازاقستاندا كەزەكتەن تىس پرەزيدەنتتىك سايلاۋدا سايلاۋشىلار وتە جوعارى بەلسەندىلىك كورسەتتى. بۇل بولجانعان دا بولاتىن. قازاقستاندىق قوعام جوعارى دامۋ كەزەڭىندە تۇر. بۇل دامۋ قوعامنىڭ ءاربىر مۇشەسىنە شىن جەتىستىكتەر اكەلۋدە. بارلىعى ونى قاتتى باعالايدى. قازاقستاندىقتار قولدا بار الەۋەتتى جوعالتقىلارى كەلمەيدى. سوندىقتان سايلاۋدا داۋىس بەرۋ مۇمكىندىگىن قۇر جىبەرگىسى كەلمەدى. مەملەكەت الداعى دامۋىنا ۇلەس قوسپاق بولدى. كوپشىلىگى ءوز تاڭداۋىن جاسادى. بۇل كورسەتكىش قازاقستاندىق قوعامنىڭ دەموكراتيالىق ىلگەرۋىنىڭ ارقاسىندا دا مۇمكىن بولدى. قازاقستاندا شىنىمەن قوعام ەسەيدى. دامۋدىڭ، قالىپتاسۋدىڭ كوپتەگەن ساتىلارىنان، كەزەڭدەرىنەن ءوتتى جانە بۇگىندە جەتىلگەن قوعام كەيپىندە كورىندى.
بۇل قوعام ەستى جانە دۇرىس شەشىم جاساۋعا دايىن بولدى. سونىمەن قاتار، ايتا كەتۋ كەرەك، قازاقستاننىڭ قارقىندى دامۋى، قول جەتكىزگەن تۇراقتىلىق، استانامىزدىڭ جانە وزگە دە وبلىستاردىڭ دامۋى سىندى جەتىستىكتەر - جۇرت قۇپتايتىن قۇندىلىققا اينالدى. ازاماتتىق قوعام وسىلاردىڭ بارلىعىنا ءوزىنىڭ جاۋاپتى ەكەندىگىن سەزىندى»، - دەپ اتاپ ءوتتى ول.
«بۇگىن مەن دە بارلىقتارى سياقتى داۋىس بەرۋگە باردىم. ۇزىن كەزەكتە تۇردىم. شىنىمەن كوڭىلدى، قىزىق ءوتتى. كەزەك كۇتۋ ادەتتە كوڭىل كۇيگە تەرىس اسەر ەتەدى، ءبىراق بۇل جولى ەمەس. ناعىز قازاقستاندىق رۋحتا سايلاۋ بارىسى وتە كەرەمەت ءوتتى»، - دەدى ءادىل قاۋكەنوۆ.
اۆتور: جاسۇلان جولدىبايەۆ
