سايلاۋ ناتيجەسى حالىق ءوز ءۇمىتىن پرەزيدەنتكە جۇكتەپ وتىرعاندىعىن كورسەتتى - ساياساتتانۋشى
«قازاقستاندا 26- ساۋىردە بولعان پرەزيدەنتتىك سايلاۋ ەكى رەكورد ورناتتى. بىرىنشىدەن، ول - سايلاۋشىلاردىڭ بەلسەندىلىگى. سايلاۋشىلاردىڭ داۋىس بەرۋگە كەلگەن ۇلەسى ت م د ەلدەرىنە، جالپى الەم ءۇشىن بولماعان جاعداي. بۇل ەلەكتوراتتىڭ جوعارى بەلسەندىلىگىن جانە حالىقتىڭ ازاماتتىق ۇستانىمىنىڭ بيىك ەكەندىگىن بىلدىرەدى. سايلاۋ كوميسسيالارى دا جاقسى جۇمىس جاسادى دەگەن ءسوز. مۇنداي كورسەتكىش رەكورد بولىپ سانالادى»، - دەيدى ول بۇگىن استانالىق تىلشىلەرگە بەرگەن سۇحباتىندا.
«ەكىنشىدەن، الدىن الا exit-poll ناتيجەلەرى بويىنشا، قازىرگى پرەزيدەنتتىڭ سەنىمدى جەڭىسى تىركەلدى. ەلباسى 97 پايىزدان استام داۋىس جينادى. بۇل كورسەتكىش حالىق ءوزىنىڭ ءۇمىتىن پرەزيدەنتتىڭ ىستەرىمەن بايلانىستىرىپ وتىرعاندىعىن كورسەتەدى. بارشا ەل قازاقستاننىڭ تاۋەلسىزدىك جىلدارى ىشىندە قول جەتكىزگەن جەتىستىكتەرىن جوعارى باعالايدى.
ول - ۇلتارالىق كەلىسىم، ساياسي تۇراقتىلىق، ەكونوميكالىق رەفورمالار، الەۋمەتتىك قامسىزداندىرۋدىڭ جوعارى دەڭگەيى. ازاماتتاردىڭ مەملەكەت باسشىسى ۇسىنعان جاڭا رەفورمالارىن قولداۋى - ەل حالقى مەملەكەتتىڭ وسى باعىتتا دامۋىن جالعاستىرۋدى قالايتىندىعىن بىلدىرەدى»، - دەپ ءتۇيدى ءسوزىن د. اشىمبايەۆ.
اۆتور: جاسۇلان جولدىبايەۆ
