قازاقستانداعى سايلاۋ پاتريوتيزم كۇنى سەكىلدى اسەرمەن ءوتىپ جاتىر - ا ق ش ساياساتتانۋشىسى
بۇگىن ەلىمىزدە ءوتىپ جاتقان كەزەكتەن تىس پرەزيدەنت سايلاۋىنا وراي وتكەن باسپا ءسوز ءماسليحاتىندا ا ق ش بايقاۋشىلار ميسسياسىنىڭ وكىلى، ساياساتتانۋشى دجەيكوب زەنن وسىلاي مالىمدەدى.
ا ق ش بايقاۋشىلار ميسسياسى استانا قالاسىنداعى ءبىرقاتار سايلاۋ ۋچاسكەلەرىندە بولىپ، سونىڭ قورىتىندىلارىن جاريالاپ، ءوز اسەرلەرىمەن بولىسكەن بولاتىن.
«مەن سايلاۋ ۋچاسكەلەرىنە بارعاندا، كوپتەگەن ادامداردىڭ سايلاۋعا بەلسەندى قاتىسۋىن كوردىم. ولاردىڭ كوڭىل-كۇيى جوعارى. مەن ءتىپتى بۇگىن سىزدەردە پاتريوتيزم كۇنى ەكەنىن كورىپ وتىرمىن»، - دەدى امەريكالىق ساياساتتانۋشى دجەيكوب زەنن بريفينگ بارىسىندا.
سونىمەن قاتار ول استاناداعى ءبىرقاتار سايلاۋ ۋچاسكەلەرىن ارالاعانىن ايتىپ، وندا ءبارى اشىق بولعانىن، وزدەرىنىڭ ساۋالدارىنا تۇسىنىكتى جاۋاپ العانىن جەتكىزدى. ونىڭ ايتۋىنشا، ەشقانداي كەدەرگىلەر مەن تۇسىنبەۋشىلىكتەر بولماعان. ءوزى بارعىسى كەلگەن سايلاۋ ۋچاسكەلەرىن ارالاپ، ءتيىستى جاۋاپتارىن دا العان.
«بۇل كۇندى كەرەمەت ۇيىمداستىرىپ جاتىرسىزدار، بارلىق جەرلەردە مۋزىكا، كاراوكە. سىزدەردەگى بۇل سايلاۋ ناۋقانى مەن بولعان باسقا ەلدەرگە قاراعاندا قىزىقتىراق»، - دەگەن ساياساتتانۋشى قازاقستاننىڭ دەموكراتيانى دامىتۋ سالاسىنداعى جەتىستىكتەرىن دە جوعارى باعالادى.
«سوڭعى ۋاقىتتا ءبىز قازاقستانداعى ازاماتتىق بەلسەندىلىكتى كورىپ وتىرمىز. ازاماتتار سايلاۋعا قاتىسقاندارىن ماقتان تۇتادى. وسىنىڭ ءوزى زور جەتىستىك»، - دەدى دجەكوب زەنن.
اۆتور: قانات مامەتقازى ۇلى
