الماتى وبلىسىنىڭ اكىمى سايلاۋدا داۋىس بەردى - فوتو
جۋرناليستەرمەن سۇحباتتاسۋ بارىسىندا بۇل ساياسي ناۋقاننىڭ ماڭىزدىلىعىنا توقتالعان وبلىس باسشىسى اماندىق باتالوۆ:
- قازاقستان رەسپۋبليكاسى پرەزيدەنتىنىڭ سايلاۋىنا قاتىسۋ - ءار ادامنىڭ ازاماتتىق پارىزى. ەلىمىزدىڭ دامۋى مەن وركەندەۋى ءۇشىن بۇل شارانىڭ ماڭىزى زور. سوندىقتان الماتى وبلىسىنىڭ سايلاۋشىلارى تاڭعى ساعات 7 دەن باستاپ ءوزىنىڭ جانە ەلىمىزدىڭ بولاشاعى ءۇشىن داۋىس بەرۋدە. ولاردىڭ اراسىندا ارداگەرلەر دە، جاستار دا ايرىقشا بەلسەندىلىك تانىتىپ وتىر.
وبلىستا بارلىق سايلاۋ ۋچاسكەلەرىندە داۋىس بەرۋ زاڭ اياسىندا وتۋدە. زاڭدىلىقتىڭ ساقتالۋىن شەتەلدىك بايقاۋشىلار دا قاداعالاپ وتىر. مەن دە بۇگىن ەلدىڭ تىنىشتىعى، بىرلىگى، دامۋى جولىندا ءوز تاڭداۋىمدى جاسادىم، - دەدى.
جالپى وبلىستا سايلاۋشىلار سانى 945708 ادام. وڭىردە جالپى 883 سايلاۋ ۋچاسكەسى جۇمىس ىستەۋدە.
