13:00, 26 - ءساۋىر 2015 | GMT +6
قازاقستاندىقتار ءوز ەلىنىڭ بولاشاعىنا نەمقۇرايلى قارامايدى
استانا. قازاقپارات - قازاقستاندىقتار ءوز ەلىنىڭ بولاشاعىنا نەمقۇرايلى قارامايدى. بۇل تۋرالى قازاقپارات تىلشىسىنە استاناداعى 89№ سايلاۋ ۋچاسكەسىندە سۇحبات بەرگەن اكادەميك، جازۋشى عاريفوللا ەسىم مالىمدەدى.
«بۇگىن مەن بىرنەشە سايلاۋ ۋچاسكەسىنە بارىپ قايتتىم. مەنى تاڭقالدىرعانى، سايلاۋشىلاردىڭ سانى وتە كوپ. وسى ۋچاسكەدە ۇزىن-سونار كەزەك، حالىق مەملەكەتتى باسقارۋعا قاتىسقىسى كەلەدى. بۇل ولار ءوز ەلىنىڭ ەرتەڭىنە نەمقۇرايلى قارامايتىنىن بىلدىرەدى. بۇگىن ميلليونداعان قازاقستاندىقتار دۇرىس تاڭداۋىن جاسادى دەپ ويلايمىن. مەن وتباسىممەن بىرگە ءوز تاڭداۋىمدى جاسادىم»، - دەپ اتاپ ءوتتى ع. ەسىم.
