قازاقستاننىڭ قازىرگى سايلاۋ ناۋقانىنىڭ ەرەكشەلىگى، ونىڭ تىنىش سيپاتتا ءوتۋى - بەلارۋس بايقاۋشىسى

استانا. قازاقپارات - قازاقستاننىڭ قازىرگى سايلاۋ ناۋقانىنىڭ ەرەكشەلىگى، ونىڭ تىنىش سيپاتتا ءوتۋى. بۇگىن ق ر ورتالىق سايلاۋ كوميسسياسىندا وتكەن بريفينگتە بەلارۋس رەسپۋبليكاسى سايلاۋ جانە رەسپۋبليكالىق رەفەرەندۋمدار وتكىزۋ جونىندەگى ورتالىق كوميسسياسىنىڭ ءتورايىمى ليديا ەرموشينا وسىلاي دەدى.

«مەنىڭشە، ەرەكشەلىكتەردىڭ ءبىرى سايلاۋ ناۋقانىنىڭ جانە وعان دايىندىق شارالارىنىڭ تىنىش سيپاتتا ءوربۋى بولىپ وتىر»، - دەدى ول ب ا ق وكىلدەرىنىڭ ساۋالىنا وراي.

ونىڭ اتاپ وتۋىنشە، قازاقستاننىڭ سايلاۋ ناۋقانى وتە جوعارى دەڭگەيدە ۇيىمداستىرىلىپ، شتاتتىق رەجىمدە جۇرگىزىلۋدە.

«بىرىنشىدەن، ول وتە جاقسى ۇيىمداستىرىلعان. كەزەكتەن تىس سايلاۋ وتكىزىلگەندە ۇيىمداستىرۋ شارالارى زور مانگە يە بولادى. ەكىنشىدەن، ادىستەمەلىك قۇجاتتار جاقسى دايىندالعان. ونى ورتالىق سايلاۋ كوميسسياسى قابىرعاسىندا ىلىنگەن قۇجاتتاردان بايقاۋعا بولادى. بۇل مامانداردىڭ جوعارى دەڭگەيدە جۇمىس ىستەيتىندىگىن بىلدىرەدى. ءدال قازىرگى كەزەڭدە ق ر ورتالىق سايلاۋ كوميسسياسىنا 100 گە جەتپەيتىن شاعىمنىڭ ءتۇسۋى دە تاڭ قالدىرادى. ويتكەنى، بەلارۋستا وتكەن سايلاۋلاردىڭ بارلىعىندا دا سايلاۋ وتكىزگەن ساتتەن باستاپ بىرنەشە جۇزدەگەن شاعىم تۇسەدى. داۋىس بەرگەننەن كەيىن دە وعان شامامەن 500 شاعىم قوسىلادى»، - دەدى ل. ەرموشينا.

 اۆتور: مارلان جيەمباي