10:06, 26 - ءساۋىر 2015 | GMT +5
مىسىر ەلىنىڭ ەڭ العاشقى استاناسىنىڭ قالدىقتارى تابىلدى
استانا. قازاقپارات - رەسەيلىك ارحەولوگتار عاسىرلار بويى ىزدەگەن مىسىر ەلىنىڭ العاشقى استاناسىنىڭ قالدىقتارىن تاپتى. ءبىزدىڭ داۋىرگە دەيىن 3000 جىل بۇرىن قۇرىلعان مەمفيس قالاسىن زەرتتەپ، قالدىقتارىن تابۋ ءۇشىن عالىمدار عاسىرلار بويى ىزدەنىستە بولعان.
ءنىل وزەنىنىڭ باتىس جاعالاۋىندا قازبا جۇمىستارى كەزىندە عيمارات قابىرعالارىن، كارىز جۇيەسى مەن عايىپ بولعان قالانىڭ قۇدىقتارى تابىلعان.
رەسەي ماماندارى قازبا جۇمىستارىن كەزدەيسوق جەردەن باستاعان. ويتكەنى مەمفيس قالاسىنىڭ ناقتى ورنالاسقان جەرى جۇزدەگەن جىلدار بويى بەلگىسىز بولدى. رەسەيلىك عالىمداردىڭ مىسىرداعى جاساعان ارحەولوگيالىق تابىستارىن ەلدىڭ ەجەلگى ەسكەرتكىشتەر مەن مادەني مۇرانى ساقتاۋ مينيسترلىگى تاريحي وقيعا دەپ باعالاپ وتىر.
www.khabar.kz
