ازەربايجان مەن قازاقستان اراسىندا كاسپيدەگى ىنتىماقتاستىق ماسەلەلەرىندە تولىق تۇسىنىستىك بار - يلحام اليەۆ - فوتو
دەپ حابارلايدى ازەرتادج.
بەيبىت يسابايەۆ ءوزىنىڭ سەنىم گراموتالارىن پرەزيدەنت يلحام اليەۆكە تاپسىردى.
ودان سوڭ ازەربايجان پرەزيدەنتى قازاقستان ەلشىسىمەن كەزدەستى. مەملەكەت باسشىسى ەكى ەلدىڭ ورتاسىندا تاريحي تۇرعىدا دوستاستىق پەن باۋىرلاستىق بايلانىستاردىڭ بار ەكەنىنە توقتالا كەلە، قازىرگى كەزەڭدە ەكىجاقتى قارىم- قاتىناستاردىڭ وداقتاستىق دەڭگەيگە دەيىن كوتەرىلگەنىن اتاپ ءوتتى. ساياسي بايلانىستاردىڭ دا جوعارى دەڭگەيدە ەكەنىن اتاپ وتكەن يلحام اليەۆ ەكى ەلدىڭ حالىقارالىق ۇيىمدار دەڭگەيىندە دە ءبىر- بىرىنە قولداۋ كورسەتىپ وتىرعانىن ايتتى.
سونداي- اق ول ازەربايجان مەن قازاقستاننىڭ بىرىككەن ماڭىزدى ەكونوميكالىق، ەنەرگەتيكالىق، كولىك جوبالارىن جۇزەگە اسىرىپ جاتقانىن، مۇنىڭ ءبارى بولاشاقتا ىنتىماقتاستىقتىڭ الەۋەتىن ارتتىراتىنىن جەتكىزدى. ەل باسشىسىنىڭ ايتۋىنشا، ازەربايجان مەن قازاقستان اراسىندا كاسپيي تەڭىزىنىڭ مارتەبەسىن ايقىنداۋ جانە كاسپي باسسەينىندە ىنتىماقتاستىق ورناتۋ ماسەلەلەرىندە تولىققاندى تۇسىنىستىك بار.
مەملەكەت باسشىسى سونىمەن قاتار بەيبىت يسابايەۆتىڭ ەلشىلىك قىزمەتى بارىسىندا ەكىجاقتى قارىم- قاتىناستاردىڭ ودان ءارى نىعايىپ، ەكى ەلدىڭ ايماقتىق ىنتىماقتاستى پەن قاۋىپسىزدىكتى قامتاماسىز ەتۋگە باعىتتالعان بىرىككەن كۇش- جىگەرلەرى بەلسەنە تۇسەتىنىنە سەنىم ءبىلدىردى.
قازاقستان ەلشىسى بەيبىت يسابايەۆ ازەربايجان ەلىنىڭ باسشىسىنا قازاقستان پرەزيدەنتى نۇرسۇلتان نازاربايەۆتىڭ سالەمىن جەتكىزدى. قازاقستان مەن ازەربايجان اراسىنداعى دوستىق جانە باۋىرلاستىق بايلانىستاردىڭ بۇدان ءارى دە جوعارى دەڭگەيدە دامي بەرەتىنىنە سەنىمىن بىلدىرگەن بەيبىت يسابايەۆ ءوز قىزمەتى كەزەڭىندە ەكىجاقتى بايلانىستاردىڭ كەڭەيە ءتۇسۋى ءۇشىن بار كۇشىن سالاتىنىن جەتكىزدى.
ازەربايجان ەلىنىڭ باسشىسى ەلباسى نۇرسۇلتان نازاربايەۆتىڭ سالەمى ءۇشىن العىسىن ءبىلدىرىپ، قازاقستان پرەزيدەنتىنە ونىڭ سالەمىن جەتكىزۋدى ءوتىندى.
