ساياحاتتاۋعا مۇمكىندىك بەرەتىن ماماندىقتار

 استانا. قازاقپارات - كەزەكتى دەمالىس نەمەسە كانيكۋل كەزىندە عانا ساياحاتتاۋدى كوپ ادام ۇناتا بەرمەيدى. سول سەبەپتى وقۋشىلار بولاشاقتا باسشىسىنىڭ ءوزى ساياحاتتاۋعا جىبەرەتىندەي جۇمىستارعا ورنالاسقىسى كەلەدى.

 مۇنىمەن قاتار، اعايىن، تۋىس- باۋىرلارىنان جىراقتا جۇرە المايتىن ازاماتتار دا ءوسىپ كەلەدى. كەزەكتى ماتەريالىمىزدا ۇنەمى ءىس ساپاردا جۇرۋگە مۇمكىندىك بەرەتىن ماماندىق تۇرلەرىن قاراستىرامىز.

ج و و تاڭدايتىن كەزدە

ستۋدەنتتىك شاعىڭىزدان باستاپ تىنىمسىز قوزعالىستا بولۋدى ءجون كورەسىز. ءبىراق ءسىز تاڭداعان وقۋ ورنىندا شەتەلمەن ءبىلىم الماسۋ باعدارلاماسى جوق. وسىنىڭ سالدارىنان وزگە قۇرداستارىڭىز ەل ارالاپ، مەملەكەت ءۇشىن ماڭىزدا ءىس ساپاردا جۇرگەندە، ءسىز ءۇي مەن ج و و- نىڭ اراسىندا عانا «ساياحاتتاۋعا» ءماجبۇر بولاسىز. سول سەبەپتى بىردەن بەدەلدى وقۋ ورنىن تاڭداڭىز. مۇنداي باعدارلامالار ءال- فارابي اتىنداعى قازۇۋ، ق ب تۇۋ، ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى سەكىلدى ج و و- لاردا بولادى.

كىم بولامىن؟

بۇل سۇراقتىڭ جاۋابى وتە ناقتى بولۋى كەرەك. ءسىز ءدارى- دارمەك جاساپ، ونى مەملەكەت دەڭگەيىندە تاسىمالداعىڭىز كەلە مە؟ الدە ەكولوگيا ماسەلەسىنە قىزىعاسىز با؟ مۇمكىن شەتەلدىك فابريكالارمەن جۇمىس ىستەگىڭىز كەلەتىن شىعار؟ وزگە ەلدىڭ وركەنيەتىمەن سۋسىنداپ، رەداكتسياعا قىزىقتى ماقالالار جىبەرىپ وتىرعاندى ۇناتاسىز با؟ تۋريزم سالاسىن تاڭداپ، شەتەلدىك قوناق ۇيلەردە ءجۇرۋدى قالايتىن شىعارسىز؟ سپورتشى، اۋدارماشى، اۋديتور بولساڭىز شە؟

 الەمدىك دەڭگەيدەگى جارىستارعا قاتىسىپ، ساياحاتتايتىن سپورتشى بولۋ ءۇشىن قاجىرلى ەڭبەك كەرەگىن ەسكەرىڭىز. ەڭ جاقسىسى، جانكۇيەرلەر سپورتشىنىڭ ءومىرىن ءجىتى باقىلاپ وتىرادى. ياعني كورەرمەندەر كوزايىمىنا اينالۋىڭىزعا مۇمكىندىك تۋادى. بويىڭىزدا ەرەكشە ونەرىڭىز بولسا، نۇر ۇستىنە نۇر بولار ەدى. اتالعان تالانتىڭىزدىڭ ارقاسىندا جاڭا مۇمكىندىكتەردىڭ ەسىگى اشىلادى.

قازاقستان رەسپۋبليكاسىنىڭ قۇقىعىن تولىق بىلەدى دەگەن ەڭ مىقتى زاڭگەرلەر شەتەلگە شىعا الماۋى مۇمكىن. سەبەبى ءار ەلدىڭ زاڭى باسقا. ءتىپتى كوپتەگەن جۇلدىز شەتەلگە گاسترولدىك ساپارعا شىعۋ مۇمكىندىگىنەن قۇر قالعان. ءىس ساپاردى جاقسى كورەتىن ادام كەز كەلگەن سيتۋاتسياعا جىلدام بەيىمدەلىپ، تانىسسىز دا نان تاۋىپ جەي الاتىنداي دارەجەدە بولۋى ءتيىس. «كەلدى، كوردى، جەڭدى!» قاعيداسىنا ساي ءومىر سۇرگەنى ءجون. مۇنداي ادامدار ءىس ساپارعا جىبەرمەيتىن جۇمىستارعا ورنالاسسا دا، ءوز بەتىنشە مەملەكەتتى ارالايدى. ارتىنشا بيزنەس تۇرىنە سايكەس فيليالدار ۇيىمداستىرادى. وسىلايشا بيزنەستى بارلىق ايماقتا دامىتاتىن مەنەدجەرلەرگە اينالادى.

  ەڭ باستىسى، ءىس ساپارعا ءجيى باراتىن ادامدارعا كوپ اقشا تولەنەدى. جالاقىسى جوعارى بولماسا دا، ءىس ساپارىنداعى بارلىق شىعىندى كومپانيانىڭ ءوزى كوتەرەدى. بۇل مەرەكە كەزىندە بەرىلەتىن سىياقىلاردان دا جاقسى.

 جالعاسى بار...

massaget.kz