14:00, 17 - ءساۋىر 2015 | GMT +5
قازاقستان مەن تۇركيا پرەزيدەنتتەرى تۇركىستانداعى جاڭا مەشىتكە باردى
استانا. قازاقپارات - ەلباسى نۇرسۇلتان نازاربايەۆ پەن تۇركيا پرەزيدەنتى رەدجەپ تايىپ ەردوعان تۇركىستان قالاسىنداعى جاڭا مەشىتكە باردى.

بۇل تۋرالى اقوردانىڭ تۆيتتەردەگى پاراقشاسىندا حابارلادى.
باۋىرلاس قوس ەلدىڭ باسشىلارى مەشىتتىڭ سالىنۋى جايىنداعى كەلىسىمگە 2000-جىلى، تۇركىستان قالاسىنىڭ 1500 جىلدىعىن تويلاۋ كەزىندە قول قويعان. اۋماعى 2 گەكتار جەردى قۇرايتىن مەشىتتىڭ قۇرىلىسىن تۇركيا ەلى قارجىلاندىردى.
مەشىتتىڭ مۇنارالارىنىڭ بيىكتىگى 33, ال كۇمبەزىنىڭ بيىكتىگى 31 مەتردى قۇرايدى.
سونداي-اق، جاڭا مەشىت 2 قاباتتى جانە 600 شارشى مەتر جابىق الاڭى بار. سىرتىندا ناماز وقيتىن ورنى، تومەنگى قاباتتا مادەنيەت ورتالىعى، ءبىرىنشى قاباتتا 2 ءدارىسحاناسى بار.