ر. ەردوعان: تۇرىكتەر قازاقستانعا كەلگەندە اتا-باباسىنىڭ اتامەكەنىنە ورالعانداي سەزىنەدى

استانا. قازاقپارات - تۇرىكتەر قازاقستانعا كەلگەندە وزدەرىن قوناق ەمەس، اتا-باباسىنىڭ اتامەكەنىنە ورالعانداي سەزىنەدى.

بۇگىن قازاقستان-تۇركيا بيزنەس فورۋمىندا ءسوز العان تۇركيا پرەزيدەنتى رەدجەپ ەردوعان وسىلاي دەدى.

«قازاقستاندا ءبىز ءوزىمىزدى قوناقتان گورى ءوزىنىڭ بابالارىنىڭ وتانىنا ورالعان ادامداي سەزىنەمىز. بۇل ءبىزدىڭ ەلدەرىمىزدىڭ حالىقتارىنىڭ بايلانىستارىنا ەرەكشە ءمان بەرەدى. ءبىز باۋىرلاس حالىقپىز. سوندىقتان دا كەز كەلگەن سالاداعى ىنتىماقتاستىق بىزدەر ءۇشىن زور قۋانىش»، - دەدى ول.

ر. ەردوعاننىڭ اتاپ وتۋىنشە، وتكەن جىلى ەكى ەل اراسىنداعى تاۋار اينالىمى 3,2 ميلليارد دوللاردى قۇراعان. الداعى ۋاقىتتا «جاڭا سينەرگيا» بىرلەسكەن ەكونوميكالىق باعدارلاماسىن جۇزەگە اسىرۋ ناتيجەسىندە بۇل كورسەتكىشتى 10 ميلليارد دوللارعا جەتكىزۋ كوزدەلىپ وتىر.

«بىرلەسكەن فيرمالارىمىز شامامەن 15 مىڭ ازاماتقا جۇمىس بەرىپ وتىر. ءبىز قازاقستانداعى جوبالارىمىزدى جۇزەگە اسىرۋعا 20 ميلليارد قارجى قۇيدىق»، - دەدى تۇركيا پرەزيدەنتى.

اۆتور: مارلان جيەمباي