21:14, 15 - ءساۋىر 2015 | GMT +5
رەدجەپ تايىپ ەردوعان تۇركيا پرەزيدەنتى رەتىندە قازاقستانعا العاشقى ساپارمەن كەلدى
استانا. قازاقپارات - بۇگىن قازاقستانعا تۇركيا رەسپۋبليكاسىنىڭ پرەزيدەنتى رەدجەپ تايىپ ەردوعان مەملەكەتتىك ساپارمەن كەلدى.
استانا حالىقارالىق اۋەجايىندا مارتەبەلى مەيماندى ق ر سىرتقى ىستەر ءمينيسترى ەرلان ىدىرىسوۆ، ينۆەستيتسيالار جانە دامۋ ءمينيسترى اسەت يسەكەشوۆ قارسى الدى.
بۇعان دەيىن حابارلانعانداي، 16 -ساۋىردە نۇرسۇلتان نازاربايەۆ پەن ەلىمىزگە مەملەكەتتىك ساپارمەن كەلگەن تۇركيا رەسپۋبليكاسىنىڭ پرەزيدەنتى رەدجەپ تايىپ ەردوعاننىڭ كەلىسسوزدەرى وتەدى.
ساپار اياسىندا ەكى مەملەكەت باسشىسىنىڭ جوعارى دەڭگەيدەگى ستراتەگيالىق ىنتىماقتاستىق كەڭەسىنىڭ ەكىنشى وتىرىسىنا قاتىسۋى كوزدەلگەن.
تۇركيا پرەزيدەنتى تۇركىستاندا تۇركيا ءدىن ىستەرى باسقارماسىنىڭ قاراجاتىنا سالىنعان ۇلكەن مەشىتتىڭ، قوجا احمەت ياساۋي اتىنداعى قازاق- تۇرىك ۋنيۆەرسيتەتىنىڭ جاڭادان سالىنعان نىساندارىنىڭ سالتاناتتى تۇردە اشىلۋىنا قاتىسادى.
