ج. تۇيمەبايەۆ ەلباسىنا تۇركيامەن ەكىجاقتى قارىم- قاتىناستىڭ دامۋ كەلەشەگى تۋرالى باياندادى

استانا. قازاقپارات - مەملەكەت باسشىسى نۇرسۇلتان نازاربايەۆ قازاقستاننىڭ تۇركيا رەسپۋبليكاسىنداعى توتەنشە جانە وكىلەتتى ەلشىسى جانسەيىت تۇيمەبايەۆتى قابىلدادى. بۇل تۋرالى اقوردانىڭ باسپا ءسوز قىزمەتىنەن حابارلادى.

ج. تۇيمەبايەۆ ەلباسىنا تۇركيامەن اراداعى ەكىجاقتى قارىم- قاتىناستىڭ احۋالى مەن دامۋ كەلەشەگى تۋرالى بايانداپ، ساۋدا- ەكونوميكا سالاسىنداعى ءوزارا ءىس- قيمىل كورسەتكىشتەرىنىڭ جوعارى ەكەنىن اتاپ ءوتتى.

سونداي- اق تۇركيا رەسپۋبليكاسىنىڭ پرەزيدەنتى ر. ەردوعاننىڭ الداعى مەملەكەتتىك ساپارىنىڭ دايىندىعىنا قاتىستى ماسەلەلەر تالقىلاندى.

كەزدەسۋ بارىسىندا بۇل ساپار قازاق- تۇرىك ىنتىماقتاستىعىن ودان ءارى نىعايتۋ جانە ونىڭ اياسىن كەڭەيتۋ ىسىنە قوسىمشا سەرپىن بەرەتىنى اتاپ ءوتىلدى.

 سوڭىندا نۇرسۇلتان نازاربايەۆ ءبىرقاتار ناقتى تاپسىرما بەردى.