ت. اۋباكىروۆ: رەسەي - عارىشتى يگەرۋدەگى قازاقستاننىڭ باس سەرىكتەسى

استانا. قازاقپارات - رەسەي - عارىش سالاسىنداعى قازاقستاننىڭ باس سەرىكتەسى، دەدى كەڭەس وداعىنىڭ باتىرى جانە قازاقستاننىڭ حالىق باتىرى، ەڭبەگى سىڭگەن ۇشقىش توقتار اۋباكىروۆ.

«بىزدە باس سەرىكتەسىمىز بار (عارىش سالاسىندا - قازاقپارات) . ول - رەسەي. الداعى ۋاقىتتا دا ول باستى سەرىكتەس بولماق»، - دەدى ت. اۋباكىروۆ ت ا س س- قا بەرگەن سۇحباتىندا.

 «الايدا مەملەكەت مۇددەسىنە ساي وزگە شارالاردى دا قاراستىرۋىمىز قاجەت. ويتكەنى جالعىز رەسەي مەن ونىڭ تەحنولوگيالارى جەتكىلىكسىز. ءبىز دامىپ، العا جىلجۋىمىز كەرەك. الەمدىك قاۋىمداستىق تا قاراپ تۇرعان جوق. ولار كىممەن سەرىكتەس بولۋ پايدالى ەكەنىن قاراستىرۋدا»، - دەپ قوستى ول.

 «قازىر فرانسۋزدار مەن رەسەي ارالىعىندا ىقپالداستىق بار. الايدا ول شەكتەۋلى. سوندىقتان ولار بىرەۋ ارقىلى سەرىكتەستىك ورناتۋدى قاراستىرىپ جاتىر. قازاقستان وسى ويلارىن ءساتتى جۇزەگە اسىرا الاتىن بىردەن- ءبىر مەملەكەت»، - دەپ ءتۇيدى ت. اۋباكىروۆ.