جاسوسپىرىمدەر اراسىنداعى قىلمىس سانى وسكەن

استانا. قازاقپارات - ەلىمىزدە جۇگەنسىز كەتكەن جاستاردىڭ تارتىپسىزدىك جاساۋى جيىلەگەن. وتكەن جىلى قۇقىق قورعاۋ ورگاندارىنا 25 مىڭنان اسا ارىز-شاعىم تۇسكەن ەكەن.

ال جىل باسىنان بەرى استانانىڭ وزىندە 500 دەن اسا ءجاسوسپىرىم اكىمشىلىك جازاعا تارتىلىپتى.

بۇل تۋرالى جوعارعى سوتتىڭ سۋدياسى اقىلتاي قاسىموۆ مالىمدەدى. ماماندار كامەلەتتىك جاسقا تولماعانداردى تۇرمەگە توعىتقاننان گورى قوعامدىق جۇمىسقا جەگۋ ارقىلى تاربيەلەۋدىڭ ماڭىزدىلىعىنا توقتالدى.

بۇل رەتتە يۋۆەنالدى سوتتاردىڭ قىزمەتىن اتاپ وتكەن ءجون. «ويتكەنى وسى جۇيە ارقىلى وسكەلەڭ ۇرپاقتىڭ پسيحولوگياسىنا سالماق تۇسىرمەي، دۇرىس جولعا سالۋعا مۇمكىندىك بار» دەيدى سۋديالار.

اقىلتاي قاسىموۆ، ق ر جوعارعى سوتىنىڭ سۋدياسى:

- زاڭدى بۇزعان جاس قىلمىسكەردى جازالاپ، قاماعانىمىزبەن، قىلمىستىڭ سانى ازايادى دەپ ايتۋعا بولمايدى. سول سەبەپتى ءبارىمىز بىرىگىپ جۇمىس جاساساق، جاسوسپىرىمدەر اراسىندا قىلمىس ازايادى دەپ ويلايمىز.

www.24.kz