شىعىس قازاقستاننىڭ التى اۋدانىن سۋ باسۋ قاۋپى بار

وسكەمەن. قازاقپارات - مامانداردىڭ الدىن الا بولجامىنشا، وبلىستىڭ التى اۋدانى ۋاقىتشا سۋ باسۋ ايماعىنا كىرۋى مۇمكىن. ايماقتاعى سۋ باسۋى مۇمكىن جەرلەردىڭ وسال ۋچاسكەلەرى مەن سۋ باسۋ قاۋپى جاعدايى باقىلاۋعا الىنىپ، بارلىق جاۋاپتى ۆەدومستۆولار سايكەستەندىرىلگەن الدىن الۋ جۇمىستارىن وتكىزىپ جاتىر.

بۇل تۋرالى بۇگىن اقپاراتتىق ورتالىقتا وتكەن بريفينگ كەزىندە ش ق و ت ج د باستىعىنىڭ ورىنباسارى الەكساندر لومىگين حابارلادى.

ونىڭ اقپاراتىنشا، الداعى دەمالىس كۇندەرى ش ق و- نىڭ اۋماعىندا سينوپتيكتەر كۇن رايىنىڭ 20 گرادۋسقا دەيىن جىلىنۋىن بولجاپ وتىر. ايماقتاعى جاعداي باقىلاۋعا الىنعانىنا قاراماستان، قاردىڭ كۇرت ەرۋى جاعدايىندا 6 اۋدانداعى 45 ەلدى مەكەن سۋ باسۋ ايماعىنا كىرۋى مۇمكىن. ماسەلە بەسقاراعاي، گلۋبوكوە، زىريان، كاتون- قاراعاي، كوكپەكتى جانە شەمونايحا اۋداندارى تۋرالى بولىپ وتىر.

 ا. لومىگيننىڭ ايتۋىنشا، جەدەل جۇمىس ءۇشىن تج دەپارتامەنتىنىڭ جەكە قۇرامىنان جالپى سانى 250 استام ادام بولعان 6 توپ قۇرىلدى. 10-13 - ءساۋىر ارالىعىندا بۇل كۇشتەر مەن قۇرالدار وسال ۋچاسكەلەرگە جىبەرىلەدى.

«ت ج دەپارتامەنتى تاۋلىك سايىن وبلىس اۋماعىنداعى گيدرومەتەورولوگيالىق جاعداي تۋرالى اقپاراتتى، تاسقىن جانە ءورت جاعدايىنىڭ عارىشتان كەلگەن مالىمەتتەرىن الۋدا. سۋ قويمالارى مەن وزەندەر جاعدايىنىڭ مونيتورينگى ەرەكشە باقىلاۋدا بولىپ وتىر. اۆتوموبيل تەحنيكاسى، ءجۇزۋ جانە قۇتقارۋ قۇرالدارى جۇمىس ىستەپ تۇر»، - دەپ اتاپ ءوتتى ش ق و  ت ج د باستىعىنىڭ ورىنباسارى.

جالپى العاندا، ايماقتاعى جاعداي تۇراقتى بولىپ وتىر.

 سينوپتيكتەردىڭ بولجامىنشا، «ۇلكەن» سۋدىڭ كەلۋى ءساۋىردىڭ ءۇشىنشى ونكۇندىگىندە- مامىر ايىنىڭ باسىندا كۇتىلىپ وتىر. ەگەر قاتتى جاۋىن- شاشىن تۇسپەسە، تاسقىن جاعدايى ورىن الماۋى مۇمكىن»، - دەدى «قازگيدرومەت» ر م ك ش ق ف- نىڭ گيدرولوگيا ءبولىمىنىڭ باستىعى ۆلاديمير ۋشاكوۆ.