كەشە «مەنىڭ قازاقستانىم» پويىزى ءبورلى اۋدانىندا بولدى
«قاراشىعاناق كەن ورنىمەن اتى الەمگە تاراعان، اقجايىق وڭىرىندەگى شاعىن ءوندىرىس قالاسى - اقسايعا، كوپتەگەن ۇرپاق وكىلدەرىنە ءومىر بەرگەن ءبورلى جەرىنە قوش كەلدىڭىزدەر! كوپ ۇلتتى ەلىمىز سياقتى، ءبىزدىڭ اۋدانىمىز دا بىرلىگى مەن ىنتىماعى جاراسقان ءتۇرلى ۇلت وكىلدەرىنىڭ دوستىق مەكەنىنە اينالىپ وتىر. بۇگىندە 55 مىڭ حالقى بار اۋداندا 18 ۇلتتىڭ وكىلدەرى تاتۋ- ءتاتتى ءومىر ءسۇرىپ جاتىر»، - دەدى قوناقتاردى قارسى الۋعا ارنالعان ميتينگىدە اۋدان اكىمى مارات تۇسىپقاليەۆ.
ايتا كەتەيىك، ءبورلى اۋدانى 1935-جىلى 9- قاڭتاردا قۇرىلعان. بيىل اۋدان حالقى 80 جىلدىق مەرەيتويلارىن اتاپ وتۋدە.
«مەنىڭ قازاقستانىم» پويىزى ماماندارىنىڭ اتالمىش قالاداعى جۇمىس كۇنىن قورىتىندىلاعان بريفينگتە ايتىلعانداي، جالپى سانى 300 گە تارتا اۋدان تۇرعىنىنا ءتۇرلى قىزمەتتەر كورسەتىلدى. ماسەلەن، قوعامدىق كەلىسىم كەڭەسىنىڭ قوعامدىق قابىلداۋلارىن جۇرگىزگەن دەپۋتاتتار مەن قوعام قايراتكەرلەرى 35 ادامعا كەڭەس بەردى.
سونداي-اق ءبىلىم سالاسىنىڭ ماماندارى اۋدانداعى مەملەكەتتىك قىزمەتكەرلەرگە، كوللەدجدەر مەن مەكتەپ مۇعالىمدەرىنە، ونەركاسىپتەردىڭ كادر ءبولىمى ماماندارىنا ءتۇرلى تاقىرىپتاردا سەمينار-ترەنينگتەر وتكىزدى. قۇقىقتىق جانە الەۋمەتتىك ماسەلەلەر جانە بيزنەس پەن اۋىل شارۋاشىلىعى بويىنشا 53 ادام ءوز سۇراقتارىنا قاناعاتتانارلىق جاۋاپ الدى.
جەرگىلىكتى اۋرۋحاناعا كەلگەن بىلىكتى دارىگەرلەر دە 150 دەن استام ادامدى قابىلداپ، كەيبىرىنە ەم-دوم جۇرگىزدى.
اۆتور: ءابۋ-اسقار مەكەش ۇلى
