تابيعي اپات الەم ەلدەرىنە جىل سايىن قانشا ميلليارد شىعىن اكەلەدى؟
وعان ب ۇ ۇ باس حاتشىسى پان گي مۋن، جاپونيا پرەمەر-ءمينيسترى سيندزو ابەنى قوسا العاندا 160 تان استام ەلدىڭ وكىلدەرى مەن مەملەكەت باسشىلارى، ۇكىمەت مۇشەلەرى قاتىسۋدا.
«بۇل كونفەرەنتسيانىڭ اياسىندا تالقىلايتىن ماسەلە بارشا الەمنىڭ ميلليونداعان تۇرعىندارى ءۇشىن ماڭىزدى بولماق، - دەدى كىرىسپە سوزىندە پان گي مۋن. - پىكىرتالاس اياسىندا تاپ وسى جانداردىڭ سۇرانىسىن باستى نازارعا الۋىمىز قاجەت».
ب ۇ ۇ باس حاتشىسى ون جىل بۇرىن قابىلدانعان حيوگ نەگىزگى باعدارلاماسىنىڭ مىڭداعان ادامداردى قۇتقارۋعا مۇمكىندىك بەرگەندىگىن اتاپ ءوتتى. «قازىر دە قوعامدى قولداپ، بەرىلگەن ۋادەنى ورىنداي وتىرىپ، الەمنىڭ ارتىپ كەلە جاتقان سۇرانىسىنا جاۋاپ بەرۋىمىز قاجەت»، - دەپ قوستى ول.
ب ۇ ۇ باعالاۋى بويىنشا، جىل سايىن تابيعي اپات شىعىنى 300 ميلليارد دوللارعا جەتەدى. پان گي مۋننىڭ سوزىنە قاراعاندا، ەگەر ءار جىلى اپات قاۋپىنىڭ الدىن الۋعا جانە ونى ازايتۋعا بايلانىستى باعدارلامالاردى دامىتۋ مەن قولداۋعا 6 ميلليارد دوللار بولىنەتىن بولسا، بۇل 2030- جىلعا دەيىنگى بارلىق كەزەڭدە شىعىندى 360 ميلليارد دوللارعا تومەندەتۋگە مۇمكىن بولاتىنىن ايتتى.
