الماتىلىق ءبيشى بۇلدىرشىندەر حالىقارالىق بايقاۋدان جۇلدەلى ورالدى - فوتو

None
None
الماتى. قازاقپارات - الماتىلىق مىڭ بۇرالعان بۇلدىرشىندەر رەسەي استاناسى ماسكەۋدە وتكەن XVII "Grand Prix Dynamo" سايىسىندا ءبىرىنشى ورىندى يەلەندى.

ءدۇبىرلى دوداعا الەمنىڭ 19 ەلىنىڭ 124 قالاسىنان 1800 جۇپ قاتىستى.

ءبي جارىسى ەرەسەكتەر، جاسوسپىرىمدەر جانە بالالار اراسىندا رەسەي فەدەراتسياسى سپورت مينيسترلىگىنىڭ قولداۋىمەن 7-9- ناۋرىز ارالىعىندا ءوتتى.

بالالار اراسىنداعى سايىستا ىرىكتەۋدەن وتكەن 45 جۇپ ونەر كورسەتكەنىن ايتا كەتۋ كەرەك. قازاقستاندىق 10 جاسار بۇلدىرشىندەر الۋا قارعابايەۆا مەن ءابىلقايىر سامبۋسينوۆتىڭ جاراسىمدى جۇبىنىڭ ءبيى ەرەكشە پلاستيكا، كوركەم قويىلىممەن قازىلار القاسىن مويىنداتىپ، ءبىرىنشى ورىندى يەلەندى.

كۇللى الەمنىڭ ءبي كوريفەيلەرىن مويىنداتىپ كەلسە دە، بۇلدىرشىندەر قىزۋ دايىندىققا كىرىسىپ كەتتى. ولار ەندى 28- ناۋرىزدا ماسكەۋدە وتەتىن «تانتسيەۆالنايا موسكۆا» بايقاۋىندا باق سىناماق.

«لاتىن امەريكالىق باعدارلامادان چا-چا-چا، رۋمبو، سامبو، درايۆ ءبيىن بيلەدىك. ستاندارت پروگرامماسىنان باياۋ ۆالس، تانگو، ۆەنا ۆالس بيلەدىك. ءبىز بار ونەرىمىزدى كورسەتۋگە تىرىستىق. بۇل - ەڭ جاقسى دەڭگەيدەگى ءبيىمىز بولدى»، - دەدى «ميراس» مەكتەبىنىڭ 4-سىنىپ وقۋشىسى الۋا قارعابايەۆا.

«ماراپاتتاۋ سالتاناتىندا «ەكىنشى ورىن ماسكەۋلىك جۇپتىڭ ەنشىسىندە» دەپ حابارلاعاندا قاتتى قۋاندىق. سەبەبى، ءبىرىنشى ورىن باعىمىزعا وراي بىزگە بۇيىرعانىن تۇسىندىك. از دايىندالعان جوقپىز. جازدان بەرى جاڭا ۆارياتسيالاردى ۇيرەنۋگە ماشىقتاندىق. ناتيجەسى وسى جەڭىسكە جەتتىك»، - دەدى 127№ مەكتەپتىڭ 4-سىنىپ وقۋشىسى ءابىلقايىر سامبۋسينوۆ.

Алматылық биші бүлдіршіндер халықаралық байқаудан жүлделі оралды

Алматылық биші бүлдіршіндер халықаралық байқаудан жүлделі оралды

Алматылық биші бүлдіршіндер халықаралық байқаудан жүлделі оралды

Алматылық биші бүлдіршіндер халықаралық байқаудан жүлделі оралды

سوڭعى جاڭالىقتار