كاتارداعى ق ر ەلشىسى ەلدىڭ مەملەكەتتىك قايراتكەرلەرىمەن ءبىرقاتار كەزدەسۋ وتكىزدى - فوتو

ۋاقىف جانە يسلام ىستەرى ءمينيسترى جانە حالىقارالىق ءدىن ديالوگى ورتالىعىنىڭ توراعاسىمەن كەزدەسۋ بارىسىندا ا. شوقىبايەۆ ولارعا ق ر پارلامەنتى ءتوراعاسى ق. توقايەۆتىڭ اتىنان استانادا وسى جىلى 10-11 - ماۋسىمدا وتەتىن الەمدىك جانە ءداستۇرلى ءدىن كوشباسشىلارىنىڭ V سەزىنىڭ جۇمىسىنا قاتىسۋعا شاقىرتۋ قاعازىن تابىستادى.

قازاقستاندىق ديپلومات ق ر كاتار وكىلدەرىنىڭ بۇل شاراعا قاتىسۋى اسا ماڭىزدى ەكەنىن اتاپ ءوتتى، دوحا فورۋمدا جوعارى دارەجەدە كورىنىپ، ونىڭ جۇمىسىنا سالماقتى ۇلەس قوساتىنىنا سەنىمدىلىك ءبىلدىردى.

گەيس بەن مۇباراك ءال- كاۋاري الدىڭعى قازاقستانعا كەلگەن ساپارىن جىلى شىرايمەن ەسكە الىپ، تاياۋ ۋاقىتتا رەسمي جاۋاپ جىبەرۋگە ۋادە بەردى.

كاتار مەملەكەتتىك ەنەرگەتيكا جانە ونەركاسىپ ءمينيسترى مۇحاممەد بەن سالەح ءال- سادامەن كەزدەسۋ بارىسىندا اسقار شوقىبايەۆ وعان قازاقستاننىڭ ىشكى ساياسي باعىتىنداعى وڭ ۇردىستەر، سونداي-اق حالىقارالىق ارەناداعى ەلدىڭ تابىستارىن ايتىپ بەردى.

الەۋمەتتىك- ەكونوميكالىق سالاعا قاتىستى ەلشى مينيسترگە مەملەكەت باسشىسىنىڭ «نۇرلى جول» جولداۋىن، مۇنايعا باعا تۇسۋىنە بايلانىستى ورىن العان ەكونوميكالىق داعدارىسقا قارسى قازاقستان ۇكىمەتىنىڭ قابىلداعان شارالارى جايىندا تۇسىنىك بەرىپ ءوتتى.

مينيستر مۇحاممەد بەن سالەح ءال- سادا استانادا وتەتىن «ەكسپو-2017» كورمەسىنە مۇددەلىلىك تانىتتى. وسى ماسەلە جونىندە تولىق اقپارات بەرۋدى ءوتىنىپ، مۇناي- گاز سەكتورىنداعى جوبالار بويىنشا ءبىزدىڭ ەلمەن ىنتىماقتاسۋ مۇمكىندىگىن قاراستىرماق ويىن ءبىلدىردى.

ول سونداي- اق ەكى جاقتى ءىس- قيمىل پەرسپەكتيۆالارىن تالقىلاۋ ءۇشىن دوحادا ق ر ەنەرگەتيكا ءمينيسترى ۆ. شكولنيكتى قابىلداۋعا ازىرلىگىن مالىمدەدى جانە قازاقستاندىق مينيسترگە شاقىرتۋ جىبەرۋگە ۋادە بەردى. بۇدان باسقا، ول ەكى ۆەدومستۆو اراسىنداعى ءوزارا تۇسىنىستىك تۋرالى مەموراندۋمعا قول قويۋعا مۇددەلىلىگىن اتاپ ءوتتى.

كاتار ورتالىق بانكىنىڭ ءتوراعاسى شەيح ابداللا بەن ساۋد ءال- تانيمەن كەزدەسۋدە اڭگىمە ق ر ۇلتتىق بانكى مەن كاتار مەملەكەتىنىڭ ورتالىق بانكى اراسىندا تولىققاندى بايلانىس ورناتۋ قاجەتتىلىگى جايىندا ءوربىدى. اتاپ ايتقاندا، قازاقستان ەلشىسى قازىرگى ۋاقىتتا يسلامدىق قارجىلاندىرۋدى دامىتۋعا مۇدەللى ەكەنىن، وسىعان بايلانىستى وسى باعىتتاعى ەكى ەل اراسىنداعى ىنتىماقتاستىق پەرسپەكتيۆالى بولاتىنىن اتاپ ءوتتى.

كاتار مەملەكەتتىك ورتالىق بانك ءتوراعاسى كاتار مەملەكەتىنىڭ قارجىلىق جۇيەسى جايلى ايتا كەلە، ول يسلام بانكينگىن قوسا العاندا، قارجى سالاسىنداعى ءبىزدىڭ ەلمەن ەكى جاقتى ىنتىماقتاستىقتى دامىتۋ قاجەتتىلىگىنە توقتالدى. وسىعان بايلانىستى ول كاتاردا ق ر ۇلتتىق بانك ءتوراعاسى ق. كەلىمبەتوۆتى قابىلداۋعا ازىرلىگىن اتاپ ءوتىپ، تاياۋدا ءتيىستى شاقىرتۋ جىبەرۋگە ۋادە بەردى.

بۇدان باسقا، شەيح ابداللا بەن ساۋد ال- تاني ق ر ۇلتتىق بانكى مەن كاتار مەملەكەتتىك ورتالىق بانكى اراسىنداعى ءوزارا تۇسىنىستىك تۋرالى مەموراندۋمعا قول قويۋعا مۇددەلى ەكەنىن، ەكى ەلدىڭ قارجى ينستيتۋتتارى اراسىندا تاجىريبە الماسۋ ءۇشىن ازىرلىگىن ايتتى.