ا. مەركەل ۋكرايناداعى قاقتىعىستى رەتتەۋدەگى ن. نازاربايەۆتىڭ كۇش- جىگەرىنىڭ ماڭىزدىلىعىن اتاپ ءوتتى
استانا. قازاقپارات - ەلباسى نۇرسۇلتان نازاربايەۆ گەرمانيا فەدەرالدىق كانتسلەرى انگەلا مەركەلمەن تەلەفون ارقىلى سويلەستى. بۇل تۋرالى اقوردانىڭ باسپا ءسوز قىزمەتى حابارلادى.
نۇرسۇلتان نازاربايەۆ پەن انگەلا مەركەل رەسەي، ۋكراينا، فرانسيا پرەزيدەنتتەرىنىڭ جانە گەرمانيا كانتسلەرىنىڭ مينسكىدە «نورماند فورماتىندا» وتكەن كەلىسسوزدەرىنىڭ قورىتىندىسى تۋرالى سويلەستى.
مەملەكەت باسشىسى مينسك كەزدەسۋىنىڭ تابىستى اياقتالۋىنا فەدەرالدىق كانتسلەردىڭ قوماقتى ۇلەس قوسقانىن اتاپ ءوتتى.
ا. مەركەل ۋكراينانىڭ وڭتۇستىك- شىعىسىنداعى قاقتىعىستى بەيبىت رەتتەۋ ۇدەرىسىن ىلگەرىلەتۋدەگى نۇرسۇلتان نازاربايەۆتىڭ كۇش- جىگەرىنىڭ ماڭىزدىلىعىنا توقتالدى جانە «نورماند تورتتىگىنىڭ» كەزدەسۋىن استانادا وتكىزۋ مۇمكىندىگىن اتاي وتىرىپ، وسى ماڭىزدى جۇمىستى جالعاستىرۋدى ءوتىندى.
مەملەكەتتەر باسشىلارى بارلىق تاراپتىڭ بەيبىت ۇدەرىستى قامتاماسىز ەتۋگە جۇمساعان كۇش- جىگەرى ۋكرايناداعى داعدارىستى رەتتەۋگە سەپتىگىن تيگىزەدى دەپ ۇمىتتەنەتىندەرىن ايتتى.
سونداي- اق تاراپتار قازاقستان - گەرمانيا ىنتىماقتاستىعىنىڭ دەڭگەيى جوعارى ەكەنىن قاناعاتتانۋشىلىقپەن اتاپ ءوتتى.
تەلەفون ارقىلى سويلەسۋگە گەرمانيا جاعى باستاماشىلىق ەتتى.
