09:22, 31 - قاڭتار 2015 | GMT +6
رەسەيدە ءال-ازھار فيليالى اشىلادى
استانا. قازاقپارات - قازان قالاسىنداعى رەسەي يسلام ۋنيۆەرسيتەتىنىڭ (ر ي ۋ) نەگىزىندە مۇسىلمان الەمىنە كەڭىنەن ءماشھۇر ءال-ازھار وقۋ ورداسىنىڭ فيليالى اشىلاتىن بولدى، دەپ حابارلادى www.muslim.kz.
«الدىن الا كەلىسىم-شارتتار دا جاسالىپ قويىلدى»، - دەيدى رەسەي يسلام ۋنيۆەرسيتەتىنىڭ رەكتورى، تاتارستان مۇفتيىنىڭ ءبىلىم-عىلىم جونىندەگى ورىنباسارى رافيك مۋحامەتشين.
بيىلعى جىلدان باستاپ ر ي ۋ-ءدىڭ ءبىرىنشى كۋرس ستۋدەنتتەرىن ءال-ازھار وقۋ جۇيەسى بويىنشا وقىتۋ قولعا الىنعان. بۇل قادام، مۋحامەتشيننىڭ ايتۋىنشا، رەسەيلىك يسلام وقۋ وردالارىنىڭ دارەجەسىن ارتتىرا تۇسپەك.
