اقتوبە وبلىسىندا ءابىلقايىر حانعا ەسكەرتكىش تاقتا ورناتىلماق
بۇل جۇمىستى نەگىزىنەن تاريح فاكۋلتەتىنىڭ وقىتۋشىلارى مەن ستۋدەنتتەرى جۇرگىزبەك. بۇدان بولەك وبلىس اكىمدىگىنىڭ قولداۋىمەن قىركۇيەك ايىندا « XYIIIعاسىرداعى قازاق حاندىعى. ۋاقىت، تۇلعالار، تاعدىرلار» دەگەن اتپەن حالىقارالىق عىلىمي ءىس-شارا ۇيىمداستىرىلماق. سونداي-اق ايتەكە ءبي اۋدانىنداعى ءابىلقايىر حان جەرلەنگەن جەرگە ەسكەرتكىش تاقتا ورناتىلىپ، ءابىلقايىر، ابىلاي مەن تاۋكە حاننىڭ ەل تۇتاستىعىن دامىتۋعا قوسقان ۇلەستەرى زەردەلەنەدى. دوڭگەلەك ۇستەلدەر، پاتريوتتىق شارالار وتكىزىلىپ، قازاق حاندارىنىڭ ونەگەلى ىستەرى كەڭىنەن ناسيحاتتالماق.
«زەرتتەۋ جۇمىستارىن جۇرگىزىپ، حالىققا ناسيحاتتاپ، تاريحي سانانى قالىپتاستىرۋىمىز كەرەك. ياعني قازاق ەلى بىرگە بولعان. ءبىزدىڭ ۋنيۆەرسيتەتتە دە كوپتەگەن شارا ۇيىمداستىرىلىپ جاتىر. سونىڭ ءبىرى - قازاق حاندىعىنىڭ داۋىرىنە بايلانىستى حالىقارالىق عىلىمي-تاجىريبەلىك كونفەرەنتسيا بولماق»، - دەدى تاريح عىلىمدارىنىڭ كانديداتى سامات ەسقاليەۆ.
