قازاق حاندىعى تۋرالى سەريالدا سوعىس كورىنىستەرى از بولادى
بۇل تۋرالى بۇگىن جۋرناليستەردىڭ سۇراعىنا جاۋاپ بەرگەن مادەنيەت جانە سپورت ءمينيسترى ارىستانبەك مۇحامەدي ۇلى ءمالىم ەتتى.
«قازاق حاندىعى تۋرالى سەريال تىكەلەي ەلباسىنىڭ نازارىندا. نۇرسۇلتان ءابىش ۇلى ءوز ويىن بىلدىرگەندە «نەگە وسى سوعىستى كورسەتە بەرەمىز؟ قازاق حالقى ءومىر بويى قالماقتارمەن، ويراتتارمەن سوعىسا بەردى مە؟ حاندىقتىڭ عۇلامالارى قايدا، فيلوسوف-ويشىلدارىمىز قايدا؟» دەگەن بولاتىن. راسىمەن، كەڭ بايتاق جەردى تەك قانا نايزانىڭ ۇشىمەن ساقتاپ قالۋ مۇمكىن ەمەس. ول كەزدە دە ديپلوماتيا بولدى، ول كەزدە دە مەملەكەتتىك ۇيلەستىرۋ بولدى. وسى سەريالدى تۇسىرۋدەگى ماقساتىمىز - تاريحتىڭ وسى تۇسىن اشىپ كورسەتۋ»، - دەيدى مينيستر.
ەسكە سالا كەتەيىك، ەلباسى 2015-جىلى قازاق حاندىعىنىڭ 550 جىلدىعى تويلاناتىنىن ايتقان بولاتىن. وسىعان وراي، تاريحي سەريال تۇسىرۋگە تاپسىرما بەردى.
