قازاقستانداعى ازىق-تۇلىك باعالارى تۋرالى مونيتورينگ جاريالاندى
كومپانيانىڭ باسپا ءسوز قىزمەتىنەن حابارلاعانداي، قاراستىرىلىپ وتىرعان كەزەڭدە ەلدىڭ بارلىق ايماقتارىندا ءسۇت جانە ەت ونىمدەرىنىڭ باعالارى ايتارلىقتاي (10 پايىزدان كوپ) وزگەرىستەرگە ۇشىراعان جوق.
باكالەيا ونىمدەرىنىڭ تىزبەگىندە استانا قالاسىندا ءبىرىنشى سۇرىپتى ءبيداي ۇنىنىڭ باعاسى 15 پايىزعا - ءبىر كەلى ءۇشىن 119 تەڭگەدەن 101 تەڭگەگە دەيىن تومەندەگەن. بۇعان ورتاشا كوتەرمە ساۋدا باعاسىنىڭ 9 پايىزعا، ءبىر كەلى ءۇشىن 82 تەڭگەدەن 75 تەڭگەگە دەيىن تومەندەۋى سەبەپ بولعان.
ورالدا قارا ءبيداي نانى 13 پايىزعا، 100 تەڭگەدەن 113 تەڭگەگە دەيىن قىمباتتاعان. باعانىڭ وسۋىنە وندىرۋشىلەردىڭ بوساتۋ (كوتەرمە ساۋدا باعاسى) باعاسىن 9 پايىزعا - ءبىر كەلى ءۇشىن 96 تەڭگەدەن 105 تەڭگەگە دەيىن وسىرگەنى سەبەپ بولدى.
الماتىدا الما 12 پايىزعا، المۇرت 14 پايىزعا تومەندەگەن. بۇل نارىقتا بۇل ونىمدەردىڭ كوپ بولۋى جانە الما جەتكىزۋشىلەرىنىڭ كوتەرمە ساۋدا باعاسىن 3 پايىزعا، المۇرت جەتكىزۋشىلەرىنىڭ تاۋاردى 4 پايىزعا تومەندەتكەنىمەن بايلانىستى.
قىزىلوردادا قىزاناق 13 پايىزعا، قاراعاندىدا 12 پايىزعا، استانادا - 11 پايىزعا جانە ورالدا 11 پايىزعا قىمباتتاعان.
باعالاردىڭ ءوسۋى جەتكىزۋ كولەمىنىڭ قىسقارتىلۋى جانە ءونىمدى جەتكىزۋشىلەردىڭ كوتەرمە ساۋدا باعاسىن قىزىلوردادا 14 پايىزعا ء(بىر كەلى ءۇشىن 350 تەڭگەدەن 400 تەڭگەگە دەيىن)، قاراعاندىدا 13 پايىزعا (ءبىر كەلى ءۇشىن 350 تەڭگەدەن 395 تەڭگەگە دەيىن)، استانادا 7 پايىزعا (ءبىر كەلى ءۇشىن 600 تەڭگەدەن 640 تەڭگەگە دەيىن)، ورالدا - 11 پايىزعا (ءبىر كەلى ءۇشىن 335 تەڭگەدەن 373 تەڭگەگە دەيىن) كوتەرگەنىنە بايلانىستى.
شىمكەنتتە قيار 14 پايىزعا ارزانداعان. وعان جەتكىزۋشىلەردىڭ كوتەرمە باعاسىن 4 پايىزعا (ءبىر كەلى ءۇشىن 280 تەڭگەدەن 270 تەڭگەگە دەيىن) تومەندەتۋى مەن نارىققا قياردى جەتكىزۋ كولەمىن كوبەيتۋ سەبەپ بولعان.
قاراعاندى مەن وسكەمەندە كەرىسىنشە باعا كوتەرىلگەن. مىسالى، قاراعاندىدا قيار باعاسى 12 پايىزعا (ءبىر كەلى ءۇشىن 399 تەڭگەدەن 446 تەڭگەگە دەيىن)، وسكەمەندە 11 پايىزعا (ءبىر كەلى ءۇشىن 573 تەڭگەدەن 636 تەڭگەگە دەيىن) وسكەن.
ءبىر اپتانىڭ ىشىندە استانادا ءجۇزىم باعاسى 92 پايىزعا، ورالدا - 19 پايىزعا ءوستى. وعان نارىققا ودان دا قىمبات يمپورت ءونىمىنىڭ جەتكىزىلۋى سەبەپ بولعان. ءبىر اپتانىڭ ىشىندە ءجۇزىمنىڭ كوتەرمە ساۋدا باعاسى 64 پايىزعا (ءبىر كەلىسى ءۇشىن 468 تەڭگەدەن 768 تەڭگەگە دەيىن)، ال ورالدا 19 پايىزعا (457 تەڭگەدەن 543 تەڭگەگە دەيىن) وسكەن.
بۇرىشتىڭ باعاسى قاراعاندىدا 14 پايىزعا كوتەرىلگەن، وعان جەتكىزۋ كولەمىن ازايتۋ جانە كوتەرمە ساۋدا باعاسىن 7 پايىزعا كوبەيتۋ (ءبىر كەلىسى ءۇشىن 450 تەڭگەدەن 480 تەڭگەگە دە يىن) سەبەپ بولدى.
ەستەرىڭىزگە سالا كەتەيىك، كومپانيا باعا مونيتورينگىن 2003 - جىلدان بەرى جاساپ كەلەدى. 2008 - جىلدان باستاپ، مونيتورينگ ق ر يندۋستريا جانە ساۋدا مينيسترلىگى جانە ق ر اۋىل شاراۋاشىلىعى ميينسترلىگىنىڭ بىرلەسكەن بۇيرىعىمەن بەكىتىلگەن «وبلىس ورتالىقتارى مەن
استانا، الماتى قالالارىنداعى ازىق- تۇلىك تاۋارلارى مەن ج ج م نەگىزگى تۇرلەرى باعالارىنىڭ مونيتورينگىن جۇرگىزۋ ادىستەمەسى» نەگىزىندە جاسالادى.
اتالعان ادىستەمە ق ر ستاتيستيكا اگەنتتىگىمەن كەلىسىلگەن.
