ن. نازاربايەۆ رەسەي، گەرمانيا، ۋكراينا جانە فرانسيا باسشىلارى كەزدەسۋىن وتكىزۋ ىقتيمالدىعىن كەلىستى

استانا. قازاقپارات - قازاقستان پرەزيدەنتى جەلتوقسان ايىندا كيەۆ پەن ماسكەۋگە جاساعان ساپارىندا ۋكراينا داعدارىسىنان شىعۋدىڭ ىقتيمال جولدارىن تالقىلاعان ەدى، دەپ حابارلايدى اقوردانىڭ باسپا ءسوز قىزمەتى.

سول كەزدەسۋلەردەن سوڭ نۇرسۇلتان نازاربايەۆ بۇل تاقىرىپتى ۋكراينا پرەزيدەنتى پ. پوروشەنكومەن، فرانتسيا پرەزيدەنتى ف. وللاندپەن جانە گەرمانيا فەدرالدى رەسپۋبليكاسىنىڭ كانسلەرى ا. مەركەلمەن تەلەفون ارقىلى سويلەسكەن كەزىندە دە تالقىلادى.

ۋكراينا پرەزيدەنتى پ. پوروشەنكومەن جانە رەسەي پرەزيدەنتى ۆ. پۋتينمەن كەلىسسوزدەر ناتيجەسىندە ەكى ەل كوشباسشىلارىنىڭ ىقتيمال كەزدەسۋىن استانا قالاسىندا گ ف ر كانسلەرى ا. مەركەل جانە فرانسيا پرەزيدەنتى ف. وللاندتىڭ قاتىسۋىمەن وتكىزۋ ماسەلەسى كەلىسىلدى.

قازاقستان كەلىسسوزدەردى 2015 - جىلعى 15-16- قاڭتاردا نەمەسە تاراپتار ءۇشىن قولايلى كەز كەلگەن ۋاقىتتا وتكىزۋگە دايىن.