يندۋستريالاندىرۋ اياسىندا ىسكە قوسىلعان نىسانداردىڭ ءوزى بيۋدجەتكە تريلليونداعان تەڭگە قايتارىپ جاتىر - ن. نازاربايەۆ
بۇگىن استاناداعى تاۋەلسىزدىك سارايىندا ءوتىپ جاتقان يندۋستريالاندىرۋ كۇنى اياسىنداعى جيىن بارىسىندا ءسوز سويلەگەن ەلباسى نۇرسۇلتان نازاربايەۆ وسىلاي مالىمدەدى.
«مەن بۇعان دەيىن ايتقانىمداي، داعدارىس اياقتالعان جوق، جالعاسۋ ۇستىندە. بۇعان بۇگىنگى كۇنى رەسەيدەگى سانكتسيالارمەن، ۋكراينامەن بايلانىستى پروبلەمالار قوسىلدى. وسىنىڭ ءبارى ءبىزدىڭ ەكسپورتتىق تاۋارلارىمىزعا باعانىڭ تومەندەۋىن تۋعىزىپ وتىر»، - دەدى ن. نازاربايەۆ.
سونىمەن بىرگە، ەلباسى يندۋستريالاندىرۋدىڭ ءبىرىنشى بەسجىلدىعىنىڭ قورىتىندىلارىنا توقتالا كەلە، كەيبىر تۇستاردا كەمشىلىكتەر دە ورىن العانىن، دەگەنمەن، ەڭ باستىسى ەلىمىزدە اسا كۇردەلى جۇمىسقا قادام جاسالعانىن اتاپ ءوتتى.
پرەزيدەنتتىڭ پايىمىنشا، بۇنداي قادامدى كەز- كەلگەن مەملەكەت جاساي المايدى، ويتكەنى بەلگىلى ءبىر جەتىستىكتەرگە جەتكەن مەملەكەتتەردىڭ ءوزى يندۋستريالاندىرۋ باعىتىنا 30-40 جىلدارىن جۇمساعان.
«ءبىز يننوۆاتسيالىق- يندۋستريالىق سەكتوردى تاقىر جەردەن باستادىق. سول بۇگىنگى كۇنى جوعارى ءونىمنىڭ جەتىستىكتەرىن بەرە باستادى. ءبىز بۇگىنگى كۇنى ىسكە قوسقاندارىمىزدىڭ ءوزى ەل بيۋدجەتىنە تريلليونداعان تەڭگەنىڭ ونىمدەرىن قايتارىپ بەرىپ جاتىر، قۇرىلعان جۇمىس ورىندارى ەل يگىلىگىنە قىزمەت ەتۋدە. ماسەلەن، بۇگىنگى «پارىز» سىيلىعى كونكۋرسانتتارىنىڭ وزدەرى 150 ميلليارد تەڭگەنىڭ 440 الەۋمەتتىك جوباسىن جۇزەگە اسىردى»، - دەدى ن. نازاربايەۆ.
ەلباسىنىڭ ايتۋىنشا، «التىن ساپا» سىيلىعى تاعايىندالعان 9 جىلدىڭ ىشىندە ونىڭ قاتىسۋشىلارىنىڭ جالپى سانى 6 ەسەگە ارتىپ، باستاپقى 52 دەن 300 گە جەتكەن.
اۆتور: قانات مامەتقازى ۇلى
