ەكىباستۇز كومىرى ۋكرايناعا ەكسپورتتالادى - ن. نازاربايەۆ
«مەن، بىرىنشىدەن، بىزدەردىڭ ەكونوميكالىق بايلانىستارىمىزدى قاراستىرۋ ءۇشىن كەلدىم. بۇگىن ەكى ەل اراسىنداعى دوستىق پەن ىنتىماقتاستىق تۋرالى كەلىسىمگە قول قويىلعانىنا 20 جىل تولادى. ول جۇمىس ىستەپ تۇر. تەك 2010-2013 - جىلداردىڭ ىشىندە عانا ساۋدا- ساتتىق ەكى ەسە ءوستى. ءبىراق مىنا وقيعالارعا بايلانىستى ول اعىمداعى جىلدىڭ ون ايىندا وتىز پايىزعا قۇلدىرادى. بۇل دۇرىس ەمەس. ءبىزدىڭ الەۋەتىمىز وتە جوعارى»، - دەدى ق ر پرەزيدەنتى.
ەلباسى ەكى ەلدىڭ ەكونوميكالىق ىنتىماقتاستىعى اياسىندا بارلىق باعىتتاعى ءوزارا تاۋار جەتكىزۋدەگى ءتۇيىسۋ نۇكتەسىن انىقتاۋ ءۇشىن ۇكىمەت ارالىق كوميسسيا جۇمىس ىستەيتىندىگىن اتاپ ءوتتى. سونىمەن قاتار مەملەكەت باسشىسى قازاقستاندا ۋكراينانىڭ اۋىل شارۋاشىلىعى تەحنيكاسى زور سۇرانىسقا يە ەكەندىگىن باسا ايتتى.
«ءبىز ەلىمىزدە وندىرلەتىن كومىرلەردىڭ ىشىندەگى ەڭ ارزانى ەكىباستۇز كومىرىن جەتكىزۋ تۋرالى ۋاعدالاستىق»، - دەدى ەلباسى.
اۆتور: مارلان جيەمباي
