ن. نازاربايەۆ جۇمىس ساپارىمەن ۋكرايناعا اتتانىپ كەتتى

استانا. قازاقپارات - قازاقستان پرەزيدەنتى نۇرسۇلتان نازاربايەۆ جۇمىس ساپارىمەن ۋكرايناعا اتتانىپ كەتتى. بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ باسپا ءسوز قىزمەتشىسى اسەت مۇقاجانوۆ ءمالىم ەتتى.

 «بۇگىن نۇرسۇلتان ءابىش ۇلى نازاربايەۆ ۋكرايناعا رەسمي ساپارمەن ۇشىپ كەتتى. ساپار اياسىندا قازاقستان پرەزيدەنتى ۋكراينا باسشىلىعىمەن كەلىسسوز جۇرگىزەدى. 23 - جەلتوقساندا ماسكەۋدە قازاقستان، ارمەنيا، بەلارۋس، قىرعىزستان، رەسەي جانە تاجىكستان پرەزيدەنتتەرىنىڭ قاتىسۋىمەن ۇ ق ش ۇ ۇجىمدىق قاۋىپسىزدىك كەڭەسىنىڭ كەزەكتى سەسسياسى وتەدى»، - دەدى ول.

سونىمەن قاتار، ونىڭ ايتۋىنشا، 25 - جەلتوقساندا مەملەكەت باسشىسى «قازاقستاندى جاڭاشا يندۋستريالاندىرۋ: 2014 - جىلدىڭ جانە ءبىرىنشى بەسجىلدىقتىڭ قورىتىندىلارى» اتتى جالپىۇلتتىق تەلەكوپىر شاراسىنا جانە «التىن ساپا» سىيلىعىنىڭ لاۋرەاتتارىن سالتاناتتى ماراپاتتاۋ راسىمىنە قاتىسادى دەپ جوسپارلانىپ وتىر.

ول سونداي-اق 2015 - جىلى 1 - قاڭتاردا ىسكە قوسىلاتىن ە ا ە و- نىڭ قارساڭىندا قازاقستان، رەسەي، بەلارۋس، ارمەنيا جانە قىرعىزستان پرەزيدەنتتەرىنىڭ قاتىسۋىمەن جوعارى ەۋرازيالىق ەكونوميكالىق كەڭەستىڭ مەملەكەت باسشىلارى دەڭگەيىندەگى وتىرىسى بولاتىنىن حابارلادى.

اۆتور: جاسۇلان جولدىبايەۆ