بايان ارقىلى باقىتىن ىزدەگەندەر

استانا. قازاقپارات - پروديۋسەر بايان ەسەنتايەۆا جاڭا جوباسىن حالىققا تانىستىردى. ءۇش قىزدان قۇرالعان «لاشىن» توبى العاشقى اندەرىنە كليپ ءتۇسىرىپ ۇلگەرگەن.

«قازاعىمنىڭ ارۋلارى-اي» دەپ اتالاتىن ءاننىڭ ءسوزىن اقىن رينات زايىتوۆ، ءانىن كومپوزيتور ارمان دۇيسەنوۆ جازىپتى. ءانشى قىزدارعا كيىم تىككەن - ايدا قاۋمەنوۆا. بايان ەسەنتايەۆا كيىمگە ساپاسى جوعارى ماتالاردىڭ پايدالانىلعانىن ايتادى.

«لاشىن» توبىنداعى قىزداردىڭ ەسىمدەرى - اقبوتا، سارا جانە ەليزات. ولار 18, 19 جانە 20 جاستاعى بويجەتكەندەر.

تانىمال پروديۋسەر ءارى تەلەجۇرگىزۋشى جوبا ءساتتى شىعىپ، «كەشيۋ» توبى مەن جانار دۇعالوۆانىڭ جولىن قۋسا، تاعى ءبىر توپتى، مۇمكىن جىگىتتەردەن قۇرالعان توبىن، دۇنيەگە اكەلۋگە ۋادە ەتتى.

«ايقىن»