قىتاي قاۋىپسىزدىك قىزمەتىنىڭ بۇرىنعى باسشىسى تۇتقىندالدى
ول قىلمىستىق ءىس قوزعالعان قىتايدىڭ ەڭ جوعارى شەندى شەنەۋنىگى.
چجوۋ يۋنكاننىڭ تۇتقىندالعانى جانە تەرگەۋ امالدارى باستالعانى تۋرالى قىتايدىڭ جوعارعى پروكۋراتۋراسى حابارلادى.
چجوۋ يۋنكان بىرنەشە قىلمىستار جانە قۇقىق بۇزۋشىلىقتار بويىنشا ايىپتالىپ وتىر، سونىڭ ىشىندە «پارتيالىق ءتارتىپتى ەلەۋلى بۇزۋى»، «ءىرى كولەمدە پارا الۋى»، «پارتيالىق جانە مەملەكەتتىك قۇپيالاردى اشۋى»، سونداي-اق «بىرنەشە ايەلدەرمەن امپەي بولىپ، وتباسى شىرقىن بۇزۋى» سياقتى ايىپتار تاعىلعان جانە بۇل ارەكەتتەر سىبايلاس جەمقورلىق مامىلەلەرىنە ۇلاسقان.
چجوۋ يۋنكان وتستاۆكاعا كەتكەنگە دەيىن قىتايلىق قۋاتتى قوعامدىق قاۋىپسىزدىك قىزمەتى مينيسترلىگىن باسقارعان بولاتىن.
سونىمەن قاتار ونىڭ بۇرىنعى ارىپتەستەرى مەن تۋىسقاندارى دا سىبايلاس جەمقورلىققا ايىپتالىپ، تەرگەۋگە الىندى.
قىتاي ءتوراعاسى شي جينپيڭ بيلىك باسىنا كەلگەننەن كەيىن مەملەكەتتىك جانە پارتيالدىق اپپاراتتاعى سىبايلاس جەمقورلىققا قارسى بىتىسپەس ناۋقان باستالدى.
